İDMAN


Yaponiya gimnastı Kuqa Kamiyama Bakıda birinci olub

Bakı, 28 noyabr, AZƏRTAC

Bakıda keçirilən 28-ci dünya yaş qrupları yarışlarında Yaponiya təmsilçisi Kuqa Kamiyama birinci olub.

AZƏRTAC xəbər verir ki, 11-12 yaş qrupunda oğlanlar arasında batut gimnastikası yarışlarının finalında K.Kamiyamanın çıxışı hakimlər tərəfindən 53,325 xalla qiymətləndirilib.

İlk üçlüyü Belarus gimnastları - Bajen Silin (53,210 xal) və Elizar Qusev (53,065 xal) tamamlayıblar.

Xatırladaq ki, yarışın birinci günündə batutçumuz Maqsud Maqsudov 13-14 yaş kateqoriyasında bütün rəqiblərinə qalib gələrək turnirin qızıl medalını qazanıb.

Milli Gimnastika Arenasında keçirilən yarışda 32 ölkədən 621 idmançı mübarizə aparır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.