DÜNYA


Yaponiya hərbi-hava qüvvələrinə məxsus qırıcı təyyarə mülki aeroporta məcburi eniş edib

Tokio, 12 mart, AZƏRTAC 

Martın 12-də Yaponiya hərbi-hava qüvvələrinə məxsus çoxməqsədli “F-4” qırıcısı Komatsu mülki aeroportuna məcburi eniş edib.

AZƏRTAC Kyodo agentliyinə istinadla xəbər verir ki, hadisə nəticəsində pilotlar xəsarət almayıb. Qırıcı təyyarənin Yapon dənizi üzərində keçirilən təlimlərdə iştirak etdiyi bildirilir. Uçuş zamanı təyyarənin mühərrikində problem yaranıb. Məcburi eniş zamanı aeroportun uçuş-enmə zolağı müvəqqəti bağlanıb ki, bu da sərnişin təyyarələrinin uçuş cədvəlində problemlər yaradıb.

Yaponiya hərbi-hava qüvvələrində ABŞ-ın “McDonnel Douglas” şirkəti tərəfindən istehsal edilmiş yetmişə yaxın “F-4” qırıcısının olduğu bildirilir. Bu təyyarələr də bir neçə dəfə modernləşdirilib. Hazırda həmin qırıcıların “Lockheed Martin” şirkətinin istehsalı olan “F-35 Lightning” yeni hərbi təyyarələri ilə dəyişdirilməsinə başlanılıb.

 

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.