DÜNYA


Yaponiyanın Aomori prefekturasında F-35 qırıcısı qəzaya uğrayıb

Tokio, 10 aprel, AZƏRTAC

Yaponiya özünümüdafiə qüvvələri Aomori prefekturasında F-35A qırıcısının qəzaya uğradığını təsdiq edib. Qırıcının dənizə düşdüyü bildirilir.

AZƏRTAC Yaponiya özünümüdafiə qüvvələrinin yaydığı məlumata istinadla xəbər verir ki, qırıcı aprelin 9-da bu tipdən olan digər üç qırıcı ilə təlim uçuşları keçirirmiş. Bildirilir ki, təyyarə ilə əlaqənin kəsilməsi ərəfəsində pilot tərəfindən hər hansı bir problem barədə məlumat daxil olmayıb. Uçuş zamanı digər qırıcıların pilotları ilə əlaqə yaradan qəzaya uğramış qırıcının pilotu missiyasını başa vurduğunu deyib. Hazırda pilotun axtarışları davam etdirilir.

Yaponiyanın şimalında yerləşən Misava aviabazasında 13 ədəd F-35A qırıcısı yerləşdirilmişdi.

Müdafiə naziri Takeşi İvaya aprelin 10-da bildirib ki, hava qüvvələri qərargahı yanında fəaliyyət göstərən istintaq komitəsi qəzanın səbəblərini araşdırır.

Qeyd edək ki, F-35A təyyarələri Yaponiya hərbi hava qüvvələrinin növbəti qırıcılarının aparıcı nəsli hesab olunur.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.