Yaponiyanın “Kounotori-7” yük gəmisi Beynəlxalq Kosmik Stansiya ilə birləşib

Tokio, 28 sentyabr, AZƏRTAC

Yaponiyanın “Kounotori-7” yük gəmisi Beynəlxalq Kosmik Stansiya ilə birləşib.

AZƏRTAC NHK telekanalına istinadla xəbər verir ki, sentyabrın 27-də pilotsuz gəmi Yerdən 400 kilometr məsafədə yerləşən stansiyanın manipulyatoru tərəfindən tutulub.

Xatırladaq ki, yük gəmisi Yaponiyanın Taneqaşima kosmik mərkəzindən sentyabrın 23-də H2B raketi vasitəsilə kosmosa çıxarılıb.

Birləşmə planlaşdırıldığından iki saat əvvəl başa çatıb.

Gəmidə eksperimental avadanlıq da daxil olmaqla 6,2 ton yük var ki, buraya da yapon litium-ion batareyaları və astronavtlar üçün gündəlik tələbat əşyaları daxildir.

Vüqar Ağayev

AZƏRTAC-ın xüsusi müxbiri

Tokio