DÜNYA


Yaponiyanın müdafiə naziri: Şimali Koreya yaxın məsafəli ballistik raketləri sınaqdan keçirib

Tokio, 13 may, AZƏRTAC

Mayın 12-də Şimali Koreya tərəfindən buraxılan ballistik raketlər çox güman ki, 2020-ci ildə sınaqları keçirilən qısamənzilli ballistik raketlərin eynisidir. Şimali Koreya həmin raketləri “super böyük raketlər” adlandırır.

AZƏRTAC xəbər verir ki, bu barədə mayın 13-də Yaponiyanın müdafiə naziri Nabuo Kişi jurnalistlərə bildirib.

Nazir əlavə edib ki, həmin raketlərin maksimum uçuş hündürlüyü təqribən 100 kilometr, uçuş məsafəsi 350 kilometr təşkil edib. Raketlər Yaponiyaya məxsus iqtisadi zonaya çatmadan Yapon dənizinə düşüb.

N.Kişi qeyd edib ki, Şimali Koreya tərəfindən ballistik raketlərin sınağı da daxil olmaqla, atılan addımlar yalnız Yaponiyada deyil, eyni zamanda, regionda sülhə və sabitliyə təhdiddir. Bu isə qətiyyən yolverilməzdir.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.