REGİONLAR


Yardımlıda Beynəlxalq Qadınlar Gününə həsr olunmuş ümumrayon tədbiri keçirilib

Yardımlı, 7 mart, Bağır Əliyev, AZƏRTAC

Martın 7-də Yardımlı Rayon İcra Hakimiyyətində 8 Mart - Beynəlxalq Qadınlar Gününə həsr olunmuş ümumrayon tədbiri keçirilib.

AZƏRTAC-ın bölgə müxbiri xəbər verir ki, tədbirdə çıxış edən Yardımlı Rayon İcra Hakimiyyətinin başçısı Ayaz Əsgərov Azərbaycan qadınının cəmiyyətdə mövqeyindən danışıb. Bildirib ki, Azərbaycan qadını həm gözəl ana, həm də fəal ictimai xadimdir. Gözəl keyfiyyətlərə malik olan Azərbaycan qadını bütün dövrlərdə ən ağır sınaqlardan üzüağ çıxaraq, taleyüklü məsələlərin həllinə layiqli töhfələr verib.

Qeyd olunub ki, Yardımlı qadınları bu gün iqtisadiyyatımızın gücləndirilməsində, idarəetmə, təhsil, səhiyyə, mədəniyyət, aqrar və digər sahələrdə əzmlə çalışırlar.

Tədbirdə rayonun ictimai-siyasi həyatında fərqlənən qadınların bir qrupuna qiymətli hədiyyələr təqdim olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.