İDMAN


Yeni mövsümə Türkiyədə hazırlaşan “Qəbələ” klubu heyətinə daha bir futbolçu qatıb

Bakı, 5 iyul, AZƏRTAC

Yeni mövsümə Türkiyədə hazırlaşan “Qəbələ” klubu heyətinə daha bir futbolçu qatıb.

AZƏRTAC kluba istinadla xəbər verir ki, “Qəbələ” dördüncü transferini reallaşdırıb. İsrailli yarımmüdafiəçi Feras Abu-Akal 2022-2023-cü il mövsümündən komandanın formasını geyinəcək.

İyirmi beş yaşlı legionerlə 1+1 illik müqavilə imzalanıb. O, 6 nömrəli forma altında çıxış edəcək.

Futbolçu peşəkar karyerasına “Hapoel İroni”də başlayıb. O, 2019-cu ilin yayında “Aşdod”a keçib. Son üç mövsümdə bu komandada çıxış edən yarımmüdafiəçi İsrail çempionatının yüksək liqasında 82 oyunda şans qazanıb.

Xatırladaq ki, “Qəbələ” indiyədək İlkin Qırtımov, Səlahət Ağayev və Felipe Santosu heyətinə qatıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.