CƏMİYYƏT


Yevlax-Zaqatala yolunda yerləşən postda Gəncə sakinindən 3,5 kiloqram marixuana aşkarlanıb

Bakı, 29 iyun, AZƏRTAC 

Baş Dövlət Yol Polisi İdarəsi və Zaqatala Rayon Polis Şöbəsi əməkdaşlarının daxil olmuş məlumat əsasında birgə keçirdikləri əməliyyat tədbiri nəticəsində iyunun 28-də saat 1 radələrində Yevlax-Zaqatala yolunda yerləşən Yol Patrul Xidməti Alayının postunda Balakən rayon sakini C.Əbəciyevin idarə etdiyi “VAZ-2106” markalı avtomobil nəzarət qaydasında saxlanılıb. Sürücü və sərnişini - Gəncə şəhər sakini R.Məmmədov Zaqatala Rayon Polis Şöbəsinə gətiriliblər.

Daxili İşlər Nazirliyinin mətbuat xidmətindən AZƏRTAC-a bildiriblər ki, onların üzərində axtarış aparılan zaman R.Məmmədovdan 3,5 kiloqram marixuana aşkar edilərək götürülüb.

Faktla bağlı araşdırma aparılır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.