REGİONLAR


Yunan-Roma güləşi üzrə turnirdə 12 şəhər və rayondan 250 idmançı iştirak edib

Bərdə, 11 iyun, AZƏRTAC

Bərdə Olimpiya İdman Kompleksində yunan-Roma güləşi üzrə idman ustası, Qarabağ müharibəsinin iştirakçısı, polkovnik-leytenant Elçin Əliyevin xatirəsinə həsr edilmiş yeniyetmələr və kiçik yeniyetmələr arasında turnir keçirilib.

AZƏRTAC-ın bölgə müxbiri xəbər verir ki, Bərdə Rayon Gənclər və İdman İdarəsinin Azərbaycan Vətən Müharibəsi Veteranları İctimai Birliyinin rayon şöbəsi ilə birgə təşkil etdiyi yarışda 12 şəhər və rayondan olan 23 komandanın tərkibində 250 idmançı müxtəlif çəki dərəcələrində mübarizə aparıb.

Gənclər və İdman İdarəsinin rəisi Hikmət Ələkbərli, mərhum Elçin Əliyevin döyüş yoldaşları və ailə üzvləri çıxış edərək, qəhrəman Vətən övladlarının Azərbaycanın müstəqilliyi və ərazi bütövlüyü uğrunda mübarizəsindən danışıb, turnirin keçirilməsini gənclər arasında vətənpərvərlik hissinin yüksəldilməsinə xidmət etdiyini bildiriblər.

Azərbaycan Güləş Federasiyasının beynəlxalq və respublika dərəcəli hakimlər heyəti tərəfindən idarə olunan yarışın qalibləri müvafiq dərəcəli diplom və medallarla təltif ediliblər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.