CƏMİYYƏT


Yunanıstan mediasında Naxçıvandakı Duzdağın sağlamlıq turizmindəki rolundan bəhs edilib

Bakı, 28 iyul, AZƏRTAC

Yunanıstanın https://www.karfitsa.gr portalında “Duzdağ-Naxçıvan: sağlamlıq turizmi üçün nadir istiqamət” sərlövhəli məqalə yerləşdirilib.

Diasporla İş üzrə Dövlət Komitəsindən AZƏRTAC-a bildiriblər ki, “Qala” Yunanıstan-Azərbaycan Dostluq Cəmiyyətinin sədri Rəşid Məmmədovun müəllifi olduğu məqalədə Azərbaycanın təbii ehtiyatların səxavətlə bəxş edildiyi ölkələrdən biri olduğu və insanların sağlamlıqlarını yaxşılaşdırmaq üçün tez-tez buraya gəldikləri qeyd edilib.

“Kurort zonalarının infrastrukturu sürətlə inkişaf edir, hər zövqə və zənginliyə uyğun çoxlu mehmanxana və pansionatlar tikilir. Ölkədə kimyəvi tərkibindən asılı olaraq, bir sıra xəstəliklərin müalicəsində istifadə edilən çoxlu sayda isti mineral bulaqlar – “istisu” var. Məsələn, Qalaaltıdakı mineral bulaq böyrək xəstəliklərinin müalicəsi üçün lazımdır, Masallının şəfalı suları isə bir dəstə dərdi sağalda bilir. Azərbaycanda digər müalicəvi amil təbii duzdur. Xüsusilə Naxçıvanda müasir klinikanın fəaliyyət göstərdiyi Duzdağ məşhurdur”, - deyə müəllif vurğulayıb.

Qeyd edilib ki, Naxçıvanın rəmzlərindən biri olan və təbii duz ehtiyatları 90 milyon ton təşkil edən Duzdağın müalicəvi xüsusiyyətləri də var.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.