MƏDƏNİYYƏT


Yunanıstanda İmadəddin Nəsiminin 650 illik yubileyi qeyd olunub

Afina, 10 may, AZƏRTAC

Yunanıstanın Saloniki şəhərində ənənəvi olaraq keçirilən beynəlxalq kitab sərgisində iştirak edən Azərbaycanın Yunanıstandakı səfirliyinin stendi dahi Azərbaycan şairi və mütəfəkkiri İmadəddin Nəsimiyə həsr olunub.

AZƏRTAC xəbər verir ki, sərgi çərçivəsində Nəsiminin 650 illik yubileyinə həsr olunmuş təqdimat keçirilib. Tədbirdə ölkəmizin Yunanıstandakı səfirliyinin müvəqqəti işlər vəkili Eldar Əliyev İmadəddin Nəsiminin həyatı və yaradıcılığı, Nəsimi şeirinin humanist ideyaları və fəlsəfəsi haqqında məlumat verib. Diplomat, Nəsiminin xatirəsinin Azərbaycanda əbədiləşdirilməsi haqqında danışmış və 2019-cu ilin Azərbaycan Prezidenti İlham Əliyevin Sərəncamı ilə Azərbaycanda Nəsimi ili elan olunduğunu qeyd edib.

Tədbirdə Nəsimi filmindən şairin fikirlərinə və yaradıcılığına həsr olunmuş hissələr subtitrlə nümayiş edilib.

Tədbirə qatılan qonaqlara, həmçinin sərgidə Azərbaycan stendini ziyarət edən iştirakçılara İmadəddin Nəsiminin Heydər Əliyev Fondu tərifindən ingilis dilində nəşr edilmiş kitabı hədiyyə edilib.

 

İqbal Hacıyev

AZƏRTAC-ın xüsusi müxbiri

Afina

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.