İDMAN


“Yuventus” İtaliya kubokunun dörddəbir finalına yüksəlib

Bakı, 13 yanvar, AZƏRTAC

Səfərdə “Bolonya” komandasına qalib gələn Turinin “Yuventus” İtaliya kubokunun dörddəbir finalına yüksəlib.

AZƏRTAC xəbər verir ki, şənbə günü Bolonyada keçirilən 1/8 final oyunu 2:0 hesabı ilə qonaqların xeyrinə qurtarıb. Qalib komandada Federiko Bernardeski (9-cu dəqiqə) və Moyze Ken (49-cu dəqiqə) fərqləniblər. “Yuventus” dörddəbir finalda “Atlanta”-“Kalyari” qarşılaşmasının qalibi ilə görüşəcək.

Hazırda İtaliya çempionatında 19 oyundan 53 xal toplayan “Yuventus” məğlubiyyətsizlik seriyasını davam etdirir. Kriştiano Ronaldonun komandası ən yaxın rəqibi “Napoli”ni 9 xal fərqi ilə qabaqlayır. “Bolonya” turnir cədvəlinin 18-ci, “Atlanta” 8-ci, “Kalyari” isə 13-cü pilləsində qərarlaşıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.