REGİONLAR


Zaqatalada bayraq yürüşündə üç mindən çox gənc iştirak edib

Zaqatala, 9 noyabr, Mustafa Dadaşov, AZƏRTAC

Zaqatala gəncləri 9 noyabr – Dövlət Bayrağı Gününü möhtəşəm bayraq yürüşü ilə qeyd ediblər. “Milli iftixarımız – şanlı bayrağımız” şüarı ilə keçirilən ümumrayon bayraq yürüşündə rayonun rəhbər işçiləri, ictimaiyyətin nümayəndələri və 3 mindən çox gənc iştirak edib.

AZƏRTAC-ın bölgə müxbiri xəbər verir ki, Heydər Əliyev Mərkəzinin qarşısından start götürən yürüş “Bayraq meydanı”nadək davam edib. Əllərində üçrəngli bayraq Heydər Əliyev prospekti ilə hərəkət edən gənclər dövlət atributlarımızdan olan Azərbaycan bayrağına hörmət və ehtiramlarını bildirib, doğma Vətənə, onun ayrılmaz tərkib hissəsi olan Qarabağa, torpaqlarımızın bölünməzliyinə, şəhidlərimizin ölməzliyinə dair şüarlar səsləndiriblər.

Bayraq yürüşü sakinlər tərəfindən böyük maraqla qarşılanıb.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.