İQTİSADİYYAT


® “Bakcell” abunəçiləri minlərlə kinoya pulsuz baxmaq imkanı əldə edib

Bakcell “MEGOGO” ilə əməkdaşlığa başlayıb

Azərbaycanın ilk mobil operatoru və ən sürətli mobil internet provayderi "Bakcell" şirkəti məşhur "MEGOGO" video xidməti ilə əməkdaşlığa başlayıb.

Bu əməkdaşlıq çərçivəsində "Bakcell" abunəçiləri 10 minədək lisenziyalı film, cizgi filmi, teleserial və digər video məzmuna 12 aya qədər pulsuz baxmaq imkanı qazanıblar.

"MEGOGO" MDB ölkələri və Şərqi Avropa regionunun ən böyük beynəlxalq OTT/VOD xidmətləri təminatçısıdır. "Bakcell" və "MEGOGO"nun birgə eksklüziv təklifində ən vacib məqamlardan biri də bu paketə Azərbaycan dilinə dublyaj edilmiş 400-dən çox filmin daxil edilməsidir.

Xidmətə bütün "Bakcell" abunəçiləri qoşula bilər (Cin, Klass və Biznes individual). Bu fürsətdən yararlanmaq üçün müştərilər öz "Bakcell" nömrələri ilə www.megogo.net internet səhifəsində və ya "Google Play Store" və "Appstore"dan yüklənilən "MEGOGO" mobil tətbiqetməsində qeydiyyatdan keçməlidir. Abunəçinin qoşulduğu tarif paketindən asılı olaraq xidmətə 6-12 ay arasında pulsuz abunəlik təqdim edilir. Pulsuz istifadə müddəti bitdikdən sonra abunəçilər xidmətdən ayda cəmi 3 AZN xidmət haqqı ödəməklə yararlana bilərlər.

Qeyd edək ki, bu tərəfdaşlıq çərçivəsində "MEGOGO" xidmətindən 5 fərqli cihazda və 30-dan çox cihaz platformasında istifadə etmək mümkündür. Xidmətdən istifadə etmək üçün kəsintisiz internet bağlantısı (mobil və yaxud stasionar) tələb olunur.

Bu eksklüziv təklif və "Bakcell" şirkətinin digər sərfəli məhsul və xidmətləri barədə daha ətraflı məlumat www.bakcell.com səhifəsində yerləşdirilib.

Azərbaycanın ən müştəri yönümlü və innovativ telekommunikasiya xidmətləri təchizatçısı olan "Bakcell" öz abunəçilərini rəqəmsal müştəri təcrübəsi ilə yanaşı, ən yeni məhsul və xidmətlərlə təmin edir. Şirkət bunun üçün zəruri olan sürətli və yüksək keyfiyyətli mobil rabitə şəbəkəsini qurmağa nail olub. "Bakcell" müasir mobil rabitə istifadəçilərini bundan sonra da ən son, ən rahat və ən maraqlı xidmətlər ilə təmin etmək məqsədilə innovasiya sahəsində ilklərə imza atmağa davam edəcək.

"Bakcell" şirkəti müasir mobil kommunikasiya xidmətləri istifadəçilərinə geniş çeşiddə məhsullar təklif edir. Şirkət öz abunəçilərinə ən mükəmməl 4G/LTE mobil internet xidməti göstərir.

"Bakcell" şirkətinin 4G şəbəkəsi artıq bütün Bakı və Abşeron ərazisi daxil olmaqla ölkənin 40-dan çox rayon və şəhər mərkəzlərində mobil operatorun abunəçilərinə ən üstün müştəri təcrübəsi təmin edir. 7000-dən çox baza stansiyası vasitəsilə "Bakcell" şəbəkəsi əhalinin 99 faizini, ölkə ərazisinin isə 93 faizini (işğal olunmuş ərazilər istisna olmaqla) əhatə edir. Mobil rabitə şəbəkələrinin müqayisəli testləri (bençmarkinq) sahəsində beynəlxalq lider və ən etibarlı müstəqil təşkilat olan "P3 Communications" şirkəti tərəfindən "Bakcell" şirkəti Azərbaycanda sınaq nəticələrinə görə, ən yaxşı şəbəkə adına layiq görülüb ("Best in Test"). 2018-ci ildə şirkət "Azərbaycanın ən sürətli mobil şəbəkəsi" adına layiq görülüb. Bu mükafat bütün dünyada tanınmış "Ookla" şirkəti tərəfindən "Bakcell"ə Azərbaycan ərazisində ən sürətli mobil internet xidmətlərinin göstərilməsinə görə təqdim edilib.

"Bakcell" və onun məhsul və xidmətləri haqqında ətraflı məlumat əldə etmək üçün, xahiş edirik, www.bakcell.com internet səhifəsinə daxil olun və ya 555-ə zəng edin. Press-relizlərlə tanış olmaq üçün www.bakcell.com/az/news (və ya ingilis dili üçün www.bakcell.com/en/news) səhifəsinə daxil olun.

Qeyri-Bakcell abunəçiləri isə 012 498 89 89 nömrəsinə zəng etməklə "Bakcell"in məhsul və xidmətləri haqqında məlumat əldə edə bilərlər.

"MEGOGO" MDB ölkələri və Şərqi Avropa regionunun onlayn video və TV üzrə ən böyük OTT/VOD xidmətləri təminatçısıdır. Xidmətin aylıq auditoriyası 50 milyon unikal tamaşaçıdan ibarətdir və bazasında 10 mindən artıq kino və serial, 1500-dən çox cizgi və animasiya filmi, 45 mindən çox TV verilişi, konsertlər, kliplər və 20 mindən çox xəbər proqramı daxil olmaqla 77 mindən çox video mövcuddur.

Xidmətdən “iOS”, “Android” və “Windows” platformaları üzərindən işləyən bütün cihazlar və Smart TV funksiyası olan televizorlarda istifadə etmək olar. Xidmət vasitəsilə, həmçinin populyar TV kanalları və "MEGOGO"nun öz interaktiv kino kanallarına baxmaq mümkündür.

Kinoya aid müxtəlif tədbirlərin ənənəvi partnyoru olan "MEGOGO" sosial layihələrdə də aktiv iştirak edir. Belə layihələrin biri eşitmə qabiliyyəti zəif olan insanlar üçün keçirilən "Watch the Sound" layihəsidir. Bu təşəbbüs çərçivəsində "MEGOGO" işarə dili üzrə tərcümə studiyasını təşkil edib. Həmin studiya sayəsində eşitmə qabiliyyəti zəif olan insanlar üçün minlərlə kino və cizgi filmi işarə dilinə tərcümə olunub və 100 faiz kontentin işarə dilində təqdim olunan xüsusi interaktiv kanal yaradılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.