İQTİSADİYYAT


® “Dərs evi” yay proqramının iştirakçıları "Kapital Bank"da qonaq olublar

Gənclərin inkişafına və təhsilə böyük önəm verən "Kapital Bank" "Dərs evi" yay proqramının iştirakçıları üçün bankın İnsan Kapitalı Mərkəzində təlimlər təşkil edib. Proqram çərçivəsində 8-11-ci sinif şagirdləri biliklərini möhkəmləndirməklə yanaşı, həm də gələcək peşələri və əmək bazarında olan iri bankla tanış olublar.

Görüş zamanı "Kapital Bank"ın insan resurslarının idarə edilməsi departamentinin direktoru Fərqanə Məmmədova şagirdləri salamlayaraq onlara proqramı uğurla bitirməyi arzulayıb. Təlim və inkişaf şöbəsinin hazırladığı təlim proqramı zamanı şagirdlərə Azərbaycanın bank sistemi, bankların iqtisadiyyatda rolu, bankda aparılan əməliyyatlar, ön ofis və arxa ofis haqqında məlumatlar verilib və onların sualları cavablandırılıb.

Layihə çərçivəsində, həmçinin iş sahəsi ilə vizual tanışlıq məqsədilə bankın filialına infotur təşkil edilib və şagirdlərə filial şəbəkəsinin fəaliyyət sahələri üzrə məlumatlar verilib.

Qeyd edək ki, "Kapital Bank" daim gənclərlə bağlı olan təhsil və karyera layihələrinə böyük diqqət ayırır. Beynəlxalq Təhsil Sərgisi, Respublika Fənn Olimpiadası, Azərbaycan üçün öyrət, Təhsil Avtobusu, Sabah qrupları ilə layihələrdə iştirak, o cümlədən İqtisad Universiteti, Bakı Mühəndislik Universiteti, ADA Universiteti və digər qurumlarla əməkdaşlıq buna əyani sübutdur.

Azərbaycanda ən böyük filial şəbəkəsinə malik olan "Kapital Bank" 95 filialı və 7 şöbəsi ilə müştərilərin xidmətindədir. Bankın məhsul və xidmətləri barədə daha ətraflı məlumat almaq üçün www.kapitalbank.az saytına, 196 Sorğu Mərkəzinə və ya bankın müxtəlif sosial şəbəkələrdə olan səhifələrinə müraciət edə bilərsiniz.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.