İQTİSADİYYAT


® Veysəloğlu Şirkətlər Qrupu təmsilçiləri Şəmkir rayonu sahibkarları ilə görüşüb

Müştərilərin keyfiyyətli məhsullarla münasib qiymətə təmin edilməsini prioritet bilən Veysəloğlu Şirkətlər Qrupu nümayəndələri Şəmkir rayonu İcra Hakimiyyətinin təşəbbüsü ilə rayonda işgüzar səfərdə olublar. Veysəloğlu Şirkətlər Qrupu təmsilçiləri Müşahidə Şurasının sədrinin müavini Bəxtiyar Allahverdi, Müşahidə Şurasının üzvü və “OBA” Marketlər Şəbəkəsinin İdarə Heyətinin sədri Vüsal Şərifov və “Araz Supermarket” MMC-nin İdarə Heyətinin sədri Rəşad İbrahimov rayon İcra Hakimiyyəti nümayəndələri ilə görüşlər keçirib və rayonun iqtisadi potensialı ilə tanış olublar. Səfər çərçivəsində, həmçinin fermerlər və kənd təsərrüfatı subyektləri ziyarət olunub, təqdimatları dinlənilib, onların istehsal potensialları ilə tanış olunub və əməkdaşlıq imkanları müzakirə edilib.

Ölkə başçısı Prezident İlham Əliyevin müəyyən etdiyi “tarladan süfrəyə” devizini əsas tutaraq qurulacaq bu əməkdaşlıq nəticəsində həm yerli sahibkarlar məhsullarını daha geniş satış şəbəkəsinə təqdim etmə fürsəti əldə edəcəklər, həm də təbii, keyfiyyətli və münasib qiymətli məhsullar müştərilər üçün daha əlçatan olacaqdır.

25 ildir ki, Azərbaycan iqtisadiyyatına dəyər qatan Veysəloğlu Şirkətlər Qrupu aşağıdakı sahələrdə fəaliyyət göstərir: Topdan satış/distribusiya, pərakəndə, istehsalat, logistika. Veysəloğlu Şirkətlər Qrupu yerli və regional bazarlarda fəaliyyət göstərir. Bu gün Veysəloğlu Şirkətlər Qrupu 17 minə yaxın əməkdaş sayı ilə Azərbaycanın ən iri iş yeri imkanı yaradan qurumlarından biridir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.