İQTİSADİYYAT
® “Huawei” özünün “Mate 20” seriya modellərini və ən çox gözlənilən “Mate 20 RS Porsche Design” modelini təqdim etdi
Qlobal texnologiya bazarında gündən-günə öz payını artıran və artıq smartfon satışları üzrə dünyada ikinci yerdə qərarlaşmış "Huawei" şirkəti Bakıda ictimaiyyətə özünün "Mate" seriya modellərini təqdim edib.
Media və ictimaiyyət nümayəndələri, influenserlərin, eləcə də texnologiya dünyası ekspertlərinin iştirakı ilə baş tutmuş təqdimat mərasimində "Mate 20" seriya modellərin özəllikləri qeyd olunub, smartfonun üstünlükləri vurğulanıb.
Qeyd edək ki, tədbirdə təqdim olunmuş "Mate 20" seriya modellər "Huawei Mate 20 lite", "Huawei Mate 20", "Huawei Mate 20 Pro" və hər kəsin uzun müddətdir gözlədiyi "Huawei Mate 20 RS" (Porsche Design) modelləri olub.
Tədbirdə çıxış edən və "Mate 20" model smartfonların xüsusiyyətləri barədə danışan "Huawei" Azərbaycan İstehlak Biznes Qrupunun (“Huawei CBG”) rəhbəri Çu Yançen bu modellərin qeyri-adi texniki xüsusiyyətlərə sahib olduğunu qeyd edib.
"Hazırda mükəmməl “Android” smartfonların bazara gətirilməsi fonunda istehlakçı gözləntiləri artır. Şirkətimiz bu ehtiyacların təmini istiqamətində texnoloji inkişafı sürətli şəkildə aparır. "Huawei Mate 20 Pro" istifadəçiyə yüksək performans, uzun ömürlü batareya, yüksək təhlükəsizlik və "Leica"dan olan ultra geniş bucaq linzalara malik kamerası ilə böyük foto və videoqrafiya təcrübəsi təqdim edir. Smartfonun yerli istehsal olan Kirin 980 prosessoru isə 7 nanometrlik texnologiya əsasında hazırlanıb və 6,9 milyard tranzistordan ibarətdir", - deyə Ç.Yançen qeyd edib.
"Huawei" modellərinin ölkəmizdə satışından bəhs edən Azərbaycan üzrə "Huawei CBG"nin direktoru Ç.Yançen vurğulayıb ki, Azərbaycan xüsusilə flaqman modelleri üçün geniş bazar payı və potensialı ilə "Huawei" şirkəti üçün regionun ən vacib bazarlarından biridir.
Hər kəs tərəfindən gözlənilən "Porsche Design Mate 20 RS" premium modelindən danışan Ç.Yançen bu modelin regionda yalnız Azərbaycanda satılacağını bildirib.
"Çalışdığımız region - yəni Belarus Respublikası və Qafqaz ölkələri üzrə üstün texnologiyaların tətbiqi və məşhur avtomobil istehsalçısı ilə əməkdaşlıq şəraitində dizayn edilmiş "Huawei Mate 20 RS" (Porsche Design) modelini yalnız Azərbaycan bazarına satışa çıxartmışıq. Azərbaycan bu region üzrə "Porsche Design" modelinin satılacağı yeganə ölkə olacaq. Bundan sonra "Huawei" Azərbaycan bazarına daha çox diqqət yetirəcək və strateji və biznes planlarımız lokal bazara uyğunlaşacaq. Gələcəkdə inanıram ki, Azərbaycan istehlakçıları "Huawei" məhsullarının texnoloji yenilikləri haqqında daha çox məlumat alıb, bizim məhsullarımızı daha çox istifadə edəcək", - deyə Ç.Yançen vurğulayıb.
Qeyd edək ki, "Mate" seriyasından olan 3 model smartfonlar - "Mate 20 lite", "Mate 20" və "Mate 20 Pro" rəsmi tərəfdaş mağazalar olan "Baku Electronics", "Soliton", "Maxi.az", "Kontakt Home" və "Integral" mağazalarından əldə edilə bilər.
"Huawei Mate 20 RS" (Porsche Design) modeli isə eksklüziv olaraq "Baku Electronics" mağazalar şəbəkəsində satılacaq.
"Huawei CBG" qrupu və məhsulları haqqında daha ətraflı məlumat:
https://www.facebook.com/HuaweimobileAZ/