REGİONLAR


"ASAN xidmət” könüllüləri Sumqayıt Dövlət Dram Teatrında "Arşın mal alan" komediyasını təqdim ediblər

Sumqayıt, 4 fevral, Ətrabə Rzayeva, AZƏRTAC

Sumqayıt Dövlət Dram Teatrında Mədəniyyət Nazirliyinin Azərbaycan Respublikası Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi (“ASAN xidmət”) ilə birgə reallaşdırdığı "Gəncliyin səsi" festivalı keçirilib.

AZƏRTAC xəbər verir ki, "ASAN xidmət” könüllüləri dahi bəstəkar Üzeyir Hacıbəylinin "Arşın mal alan" komediyasını maraqlı oyun tərzində tamaşaçılara çatdırıblar.

Sumqayıt Regional Mədəniyyət İdarəsinin rəisi Mehman Şükürov, şəhər icra hakimiyyətinin rəsmləri və başqaları çıxış edərək gənclərə göstərilən dövlət qayğısından, onların təhsil və karyera perspektivlərinə yönəlmiş münbit şəraitdən danışıblar.

Bildirilib ki, festivalın məqsədi gənc istedadların üzə çıxarılması, onların bilik və bacarıqlarının doğru istiqamətdə yönəldilməsi və yaradıcılıq uğurlarının dəstəklənməsidir.

Cari ildə festivalın "ASAN könüllülər" təşkilatı ilə birlikdə Bakı və Sumqayıt şəhərlərində, Abşeron, Quba, İmişli və Masallı rayonlarında keçirilməsi planlaşdırılır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.