İDMAN


 "İdman hamı üçün" layihəsi çərçivəsində veloyürüş təşkil olunub

Bakı, 26 iyun, AZƏRTAC

İyunun 26-da Gənclər və İdman Nazirliyi və Azərbaycan Velosiped Federasiyasının təşkilatçılığı ilə Bakı Konqres Mərkəzinin qarşısında "İdman hamı üçün" layihəsi çərçivəsində veloyürüş keçirilib.

Nazirlikdən AZƏRTAC-a bildiriblər ki, yürüşdə 100-dək idmançı və həvəskar velosipedçi iştirak ediblər. İştirakçılar Mərkəzin qarşısındakı parkın ətrafında dairəvi hərəkət edib.

Peşəkar velosipedçilər isə parkda nümunəvi hərəkətlər nümayiş etdiriblər. Yürüş şəhər sakinlərinin böyük marağına səbəb olub.

Qeyd edək ki, kütləvi idman tədbirinin təşkilində əsas məqsəd əhali, xüsusən də uşaq və gənclər arasında velosiped idmanına marağın artırılması, sağlam həyat tərzinin təbliğidir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.