ABŞ-ın neft ehtiyatları azalıb
Bakı, 1 aprel, AZƏRTAC
Birləşmiş Ştatların xam neft ehtiyatları azalır.
AZƏRTAC xəbər verir ki, bu barədə ABŞ-ın Enerji İnformasiya Administrasiyasının (EIA) məlumatında deyilir. Bildirilir ki, ötən hesabat həftəsində ölkədəki neft ehtiyatları 900 min barrel (0,2 faiz) azalaraq 501,8 milyon barrel olub. Bazar proqnozları isə ehtiyatların 400 min barrel artacağı istiqamətində idi. Əvvəlki həftə neft ehtiyatları çoxalmışdı.
ABŞ-ın strateji neft ehtiyatları dəyişməyərək 637,8 milyon barrel olub.
Ölkənin benzin ehtiyatları isə hesabat həftəsində 1,7 milyon barrel azalaraq 230,5 milyon barrel təşkil edib. Bazar proqnozları da ehtiyatların çoxalacağı istiqamətində idi. Benzin ehtiyatları əvvəlki həftə azalmışdı.
Bölmənin digər xəbərləri
