Bakı, 22 avqust (AZƏRTAC). Avqustun 22-də UEFA Avropa Liqasının pley-off mərhələsi çərçivəsində Ağdamın “Qarabağ” futbol komandası Almaniyanın “Ayntraxt” (Frankfurt) kollektivini qəbul edəcəkdir.

AZƏRTAC xəbər verir ki, Tofiq Bəhramov adına Respublika stadionunda keçiriləcək oyunu polşalı baş hakim Simon Marçinyak idarə edəcəkdir. Ona həmyerliləri Pavel Sokolniçki, Tomaş Litskeviç və Pavel Raçkovski kömək edəcəklər.

Matçın UEFA nümayəndəsi Mehmet Süheyl Önen (Türkiyə), hakim-inspektoru isə Zdravko Yokiç (Serbiya) olacaqdır.