ELM VƏ TƏHSİL
Alimlər üçün nəzərdə tutulan şəhərciyin tikintisi iki ilə yekunlaşacaq
Bakı, 23 noyabr, AZƏRTAC
Alimlər üçün nəzərdə tutulan şəhərciyin tikintisi iki ilə yekunlaşacaq.
AZƏRTAC xəbər verir ki, bunu Azərbaycan Milli Elmlər Akademiyasının (AMEA) prezidenti, akademik Akif Əlizadə noyabrın 23-də jurnalistlərə açıqlamasında deyib. Onun sözlərinə görə, şəhərcikdə Təhsil Nazirliyi sistemində işləyən alimlərə də ev veriləcək.
Şəhərcikdə layihə üzrə üç-dörd 12,14 və16 mərtəbəli binaların tikiləcəyini diqqətə çatdıran A.Əlizadə deyib: “Güman edirəm ki, orada akademiyanın gənc alimləri üçün yaxşı yaşayış şəraiti qurulacaq. Bundan başqa, elmimizə böyük töhfələr vermiş yaşlı alimlərimizə də həmin şəhərcikdən ev veriləcək. Həmçinin yaşayış şəraiti yaxşı olmayan alimlər də evlə təmin olunacaqlar”.