REGİONLAR
Azərbaycan Dövlət Aqrar Universitetində İKT təkmilləşdirilməsi kursları davam edir
Gəncə, 10 may, Elcan Məmmədov, AZƏRTAC
Azərbaycan Dövlət Aqrar Universitetinin (ADAU) keyfiyyət siyasətinə uyğun olaraq əməkdaşların bilik və bacarıqlarının diaqnostikası və təkmilləşdirilməsi üçün təhsilin keyfiyyətinin yüksəldilməsi barədə tədbirlər planı çərçivəsində informasiya və kommunikasiya texnologiyaları (İKT) təkmilləşdirilməsi kursları davam edir.
AZƏRTAC-ın bölgə müxbiri xəbər verir ki, ilkin mərhələdə 810 əməkdaşın İKT bilik və bacarıqlarının diaqnostikası aparılıb. Hazırda diaqnostik qiymətləndirmənin nəticələrinə uyğun olaraq 13 qrup fəaliyyət göstərir.
Təlim kompüterin əsasları, mətn prosessoru, elektron cədvəllər, təqdimat və onlayn biliklər modulları üzrə aparılır.
Aprel ayında start götürən təlimlərin iyun ayında yekunlaşdırılması nəzərdə tutulur.