AZƏRBAYCAN RESPUBLIKASININ QANUNU
Azərbaycan Respublikasının Qanunu
Azərbaycan Respublikasının Milli Məclisi qərara alır:
I. 2001-ci il martın 16-da Moskva şəhrində Müstəqil Dövlətlər Birliyinin İqtisadi Şurasının iclasında imzalanmış "Bitki sortlarının hüquqi mühafizəsi haqqında" Sazişi təsdiq edilsin.
II. Bu qanun dərc edildiyi gündən qüvvəyə minir.
Heydər ƏLİYEV,
Azərbaycan Respublikasının prezidenti
1 sentyabr 2003-cü il
"Şəhid adının əbədiləşdirilməsi və şəhid ailələrinə edilən güzəştlər haqqında" Azərbaycan Respublikasının Qanununa əlavə edilməsi barədə
Azərbaycan Respublikasının Qanunu
Azərbaycan Respublikasının Milli Məclisi qərara alır:
I. "Şəhid adının əbədiləşdirilməsi və şəhid ailələrinə edilən güzəştlər haqqında" Azərbaycan Respublikasının Qanununun (Azərbaycan Respublikası Ali Sovetinin Məlumatı, 1993-cü il, N 21, maddə 590; Azərbaycan Respublikasının Qanunvericilik Toplusu, 1999-cu il, N 5, maddə 282, maddə 293; 2001-ci il, N 12, maddə 731) 3-cü maddəsinin ikinci hissəsinin altıncı abzasından sonra aşağıdakı məzmunda yeni abzas əlavə edilsin:
"dövlət ali və orta peşə-ixtisas təhsil müəssisələrində ödənişli formada təhsil alanlar təhsil haqqını ödəməkdən azad olunurlar".
II. Bu qanun dərc edildiyi gündən qüvvəyə minir.
Heydər ƏLİYEV,
Azərbaycan Respublikasının prezidenti.
12 sentyabr 2003-cü il.