Azərbaycanın paralimpiyaçı üzgüçüsü Dünya Seriyasında qızıl medal qazanıb
Bakı, 28 aprel, AZƏRTAC
Üzgüçülük üzrə paralimpiya milli komandamızın üzvü Roman Saleh Böyük Britaniyanın Qlazqo şəhərində keçirilən Dünya Seriyasında qızıl medal qazanıb.
AZƏRTAC xəbər verir ki, idmançımız 100 metr məsafəni 1 dəqiqə 0,61 saniyəyə qət edərək bütün rəqiblərini geridə qoyub.
Xatırladaq ki, Beynəlxalq Paralimpiya Komitəsinin üzgüçülük üzrə Dünya Seriyası aprelin 29-dək davam edəcək. Yarışlarda ölkəmizi Könül Süleymanova, Raman Saleh, Vəli İsrafilov və Şamil Şahov təmsil edirlər. Bu yarış sentyabrda Londonda keçiriləcək dünya çempionatına minimal təsnifat xalı qazandırır.
Bölmənin digər xəbərləri
