İQTİSADİYYAT
“Bakcell” internetə qoşulmaq üçün internet kartlarını təqdim etmişdir
Bakı, 19 aprel (AZƏRTAC). “Bakcell” şirkəti yeni vasitə - internet kartlarını təqdim etmişdir.
Şirkətdən AZƏRTAC-a bildirmişlər ki, internet istifadəçiləri yeni kartların köməyi ilə mobil telefonlarından və ya kompyuterlərindən internetə qoşula bilərlər.
Abunəçilər internet kartlarından istifadə etməklə mobil telefonlarına və ya data kartlarına internet paketi yükləyə bilərlər. İnternet kartını aktivləşdirmək üçün kartın üzərində olan 14 rəqəmli kodu pozub *102# nömrəsinə göndərmək lazımdır.
“Bakcell” bir neçə nominal dəyərli internet kartlarını - 1 manata 15 MB, 3 manata 60 MB, 5 manata 120 MB və 25 manata 1 GB internet paketlərini təklif etmişdir. İnternet kartlarının istifadə müddəti 30 gündür.
İnternet kartları “Bakcell” xidmət mərkəzləri, “BakcellIM” müştəri xidmətləri və satış mərkəzləri, diler məntəqələri, mini və supermarketlər, kompyuter mağazaları və internet klublarda əldə etmək olar.