Bakı, 16 yanvar, AZƏRTAC 

Paytaxtda 6 ay əvvəl mağazadan oğurluq edən keçmiş məhkum tutulub.

Bakı Şəhər Baş Polis İdarəsinin mətbuat xidmətindən AZƏRTAC-a bildiriblər ki, 2019-cu il iyulun 3-də Xətai rayonu, Telnov küçəsində yerləşən mağazaların birində vətəndaş Y.Muşkiyevanın əl çantasından maaş kartı və dəyəri bilinməyən qızıl qolbağını oğurlamaqda şübhəli bilinən Bakı şəhər sakini, əvvəllər məhkum olunan (Cinayət Məcəlləsinin 177-ci, 234-cü maddələri) 1978-ci il təvəllüdlü V.Əliyev idarənin Cinayət Axtarış İdarəsinin əməkdaşlarının keçirdiyi əməliyyat-axtarış tədbirləri nəticəsində müəyyən olunaraq saxlanılıb.

Hadisə ilə bağlı araşdırmalar davam etdirilir.