Belemdə Azərbaycanın iştirakı ilə COP31-də sədrlik məsələsi müzakirə olunub
Ankara, 21 noyabr, AZƏRTAC
Türkiyənin ətraf mühit, şəhərsalma və iqlim dəyişikliyi naziri Murat Kurum Birləşmiş Millətlər Təşkilatının İqlim Dəyişmələri üzrə Çərçivə Konvensiyasının Tərəflər Konfransının 30-cu sessiyası (COP30) çərçivəsində Braziliya, Azərbaycan və Avstraliya nümayəndələri ilə dördtərəfli görüşə sədrlik edib.
AZƏRTAC xəbər verir ki, Azərbaycanı xarici işlər nazirinin müavini Yalçın Rəfiyevin təmsil etdiyi görüşdə çəkilən fotoşəkil Türkiyənin İqlim Dəyişikliyi Qurumunun veb-saytında yerləşdirilib.
M. Kurum qeyd edib ki, görüşün əsas mövzusu 2026-cı ildə keçirilməsi planlaşdırılan COP31 iqlim sammitinə sədrlik olub.
“Biz qarşıdan gələn sammitin təşkili məsələlərini müzakirə etdik və COP31 sədrliyi ilə bağlı mühüm addımlar barədə razılığa gəldik. Ümidvaram ki, dördtərəfli görüş müsbət proseslərin müjdəçisi olacaq”, - deyə türkiyəli nazir bildirib.
Ramin Abdullayev
AZƏRTAC-ın xüsusi müxbiri
Ankara
Bölmənin digər xəbərləri
