SİYASƏT
Beyləqan rayonunun sosial-iqtisadi inkişafı daha da sürətləndiriləcək
AZƏRTAC xəbər verir ki, Sərəncamda Azərbaycan Respublikası regionlarının sosial-iqtisadi inkişafı Dövlət Proqramlarının uğurla yerinə yetirilməsi nəticəsində ölkənin bütün bölgələrində olduğu kimi Beyləqan rayonunda da bir sıra mühüm işlər görüldüyü, Mərkəzi Rayon Xəstəxanasının, Mədəniyyət Sarayının, 3000 yerlik Mərkəzi Stadionun yenidən qurulduğu, Gənclər Mərkəzinin, Şahmat Məktəbinin, əlil və şəhid ailələri üçün yaşayış binasının və digər sosial yönümlü obyektlərin tikilərək istifadəyə verildiyi, yeni yollar çəkildiyi, genişmiqyaslı abadlıq-quruculuq işlərinin həyata keçirildiyi, iritutumlu logistik mərkəzin və taxıl anbarlarının, istehsal və emal müəssisələrinin yaradıldığı, 11 mindən çox yeni iş yerinin açıldığı bildirilir.
Sərəncama əsasən, Beyləqan rayonunun sosial-iqtisadi inkişafının daha da sürətləndirilməsi üçün Beyləqan Rayon İcra Hakimiyyətinə 2014-cü il dövlət büdcəsində nəzərdə tutulmuş Azərbaycan Respublikası Prezidentinin ehtiyat fondundan 2 milyon manat ayrılıb.