Cari ildə Qubada 80 hektar meşə zolağı salınacaqdır
Quba, 15 iyul (AZƏRTAC). Bu gün fıstıq, vələs, palıd ağaclarının üstünlük təşkil etdiyi Quba meşələrinin mühafizəsi və bərpası diqqət mərkəzindədir.
Quba Rayon Meşələrin Mühafizəsi və Bərpası Müəssisəsindən AZƏRTAC-a bildirmişlər ki, rayonun meşə fondu ərazisi 32 min 47 hektardır. Meşə fondunun genişləndirilməsi üçün il ərzində 80 hektar meşə sahəsinin salınması nəzərdə tutulmuşdur. Artıq yaz aylarında bu vəzifənin yarısının öhdəsindən gəlinmişdir. Payız fəslində daha 40 hektar ərazidə meşəliklərin salınması planlaşdırılmışdır.
Milli sərvətimizin qorunmasını diqqətdə saxlayan müəssisə əməkdaşları ağacların kəsilməsi ilə bağlı 32 fakt aşkarlamış və bu barədə hüquq mühafizə orqanlarına məlumat vermişlər.
Bölmənin digər xəbərləri
