CƏMİYYƏT
Cocuq Mərcanlıda bir ədəd tank əleyhinə idarə olunmayan raket aşkar edilərək götürülüb
Bakı, 13 iyun, AZƏRTAC
Azərbaycan Respublikası Ərazilərinin Minalardan Təmizlənməsi üzrə Milli Agentliyin (ANAMA) mütəxəssisləri tərəfindən iyunun 12-də Cəbrayıl rayonunun Cocuq Mərcanlı kəndində gün ərzində 1417 ədəd qəlpə aşkar edilib. Bir ədəd 70 mm-lik tank əleyhinə idarə olunmayan raket (PQ-7VM) aşkar olunaraq zərərsizləşdirilmək üçün götürülüb.
ANAMA-dan AZƏRTAC-a bildiriblər ki, nəticə etibarilə 19 min 461 kvadratmetr ərazi tam təmizlənib, 14 min kvadratmetr ərazi isə xüsusi mexaniki vasitələrlə təmizləmə üçün hazırlanıb.