ELM VƏ TƏHSİL
“Direktorlar klubu”nun təqdimatı keçiriləcək
Bakı, 20 sentyabr, AZƏRTAC
Sentyabrın 28-də Təhsil İşçilərinin Peşəkar İnkişafı İnstitutunda “Direktorlar klubu”nun təqdimat seminarı keçiriləcək.
Təhsil Nazirliyindən AZƏRTAC-a bildiriblər ki, Təhsil İşçilərinin Peşəkar İnkişafı İnstitutu tərəfindən reallaşdırılan “Direktorlar klubu” layihəsi məktəb rəhbərlərinin davamlı peşəkar inkişafı, məktəb direktorlarına yeni məlumatların çatdırılması, peşəkar məsləhətlərin verilməsi, təlimlərin keçirilməsi, ölkədə və dünyadakı qabaqcıl təcrübənin öyrənilməsi və ötürülməsi məqsədlərinə xidmət edir.
“Direktorlar klubu”nun təqdimat seminarında iştirak etmək istəyənlər http://bit.ly/2d7AQ2E linki vasitəsilə qeydiyyatdan keçə bilərlər.
Seminara dəvət məktubu müraciət edənlərin elektron poçt ünvanına göndəriləcək.