MƏDƏNİYYƏT
Dramaturq Əli Əmirlinin yeni pyesi səhnələşdirilib
Bakı, 13 mart, Aynur İsmayılova, AZƏRTAC
Martın 13-də Azərbaycan Dövlət Gənc Tamaşaçılar Teatrında yazıçı-dramaturq Əli Əmirlinin “Varlı qadın” pyesi əsasında səhnələşdirilmiş eyniadlı tamaşa nümayiş olunub.
AZƏRTAC xəbər verir ki, tamaşa 2 saylı Bakı “ASAN xidmət” mərkəzinin könüllülərindən ibarət teatr truppası tərəfindən hazırlanıb. Səhnə əsəri Mədəniyyət və Turizm Nazirliyinin və Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin (ASAN xidmət) birgə təşkilatçılığı ilə reallaşıb.
Tamaşada pul, sərvət əldə etmək üçün hər şeyə hazır olan və bu yolda insani keyfiyyətlərini, dəyərlərini, vicdanını itirməyə qadir olan insanların mənəvi yoxsulluğundan danışılır.
Səhnə əsərinin rejissoru Cavidan Novruzdur. On iki könüllünün rol aldığı tragikomik tamaşada Nigar Əhmədova, Tahir Əlizadə, Taleh Həsənov, Elmir Hümbətov, Böyükxanım Babayeva və başqaları çıxış ediblər.
Sonda “Master 2” proqramı çərçivəsində təcrübə keçən könüllülər sertifikatla təltif olunublar.
MÜƏLLİFLƏ ƏLAQƏ
Bölmənin digər xəbərləri
- 09.04.2023 [18:14]
Teatr forumunun vaxtı dəyişdirilib
- 06.04.2023 [21:40]
“Azərbaycan sənədli kino salnaməsi” çərçivəsində növbəti tədbir
- 03.04.2023 [12:47]
Operasevərlər üçün “Bohema” növbəti dəfə
- 03.04.2023 [11:30]
“Jizel” baleti növbəti dəfə səhnədə
- 03.04.2023 [11:22]
Vladivostok teatrı doqquz gün Bakının qonağı olacaq
- 30.03.2023 [14:27]
Muğam Mərkəzinin səhnəsində premyera - “Meyvələrin söhbəti”
- 30.03.2023 [12:19]
Nicat Kazımovun 50 illik yubileyinə həsr olunan sənədli film təqdim olunub
- 29.03.2023 [17:49]