SİYASƏT
ƏDLİYYƏ NAZİRLİYİNDƏ ĞÖRÜŞ
Azərbaycan Respublikasının Ədliyyə Naziri Fikrət Məmmədov Türkiyənin ölkəmizdəki müvəqqəti işlər vəkili Gürsel Evreni onun xahişi ilə qəbul etmişdir.
Ölkələrimiz arasında dostluq və qardaşlıq münasibətlərindən danışan nazir Azərbaycan Respublikasının Prezidenti cənab Heydər Əliyevin Türkiyəyə bu ilin mart ayında rəsmi səfəri zamanı keçirilmiş yüksək səviyyəli danışıqların və imzalanmış sənədlərin əlaqələrimizi daha da zənginləşdirdiyini bildirmişdir. O, həmin səfər çərçivəsində “Azərbaycan Respublikasının Ədliyyə Nazirliyi və Türkiyə Respublikasının Ədliyyə Nazirliyi arasında əməkdaşlıq haqqında” Protokolun imzalanmasını məmnuniyyətlə qeyd etmiş, Türkiyənin ədliyyə naziri cənab Hikmət Sami Türkü Bakıya dəvət etdiyini və bu səfərin ölkələrimizin hüquqi sahədə əməkdaşlığının inkişafında əhəmiyyəti olacağını vurğulamışdır.
Görüşdə mülki, ticarət və cinayət işləri üzrə qarşılıqlı-hüquqi yardım göstərilməsi haqqında Türkiyə ilə 9 il əvvəl imzalanmış müqavilənin təkmilləşdirilməsi ehtiyacının öyrənilməsi məqsədi ilə ekspertlərin görüşünün və ölkələrimizin ədliyyə nazirlikləri arasında əməkdaşlıq haqqında Protokolun bu günlərdə qüvvəyə minməsi ilə bağlı əməkdaşlıq proqramının müəyyən edilməsinin əhəmiyyəti vurğulanmış, səmərəli fikir mübadiləsi aparılmışdır.
Səmimi qəbula görə minnətdarlığını bildirən diplomat hüquqi sahədə əməkdaşlığın genişləndirilməsinin hər iki tərəf üçün faydalı olacağını qeyd etmiş, faydalı fikir mübadiləsindən məmnun ğaloığını vurğulamışdır.
Ədliyyə Nazirliyinin
Mətbuat xidməti