Azərbaycan Dövlət İnformasiya Agentliyi

Heviz – Macarıstanın mavi mirvarisi

Bakı, 20 oktyabr, AZƏRTAC

Heviz Macarıstanın ən məşhur kurort şəhərlərindən biridir. Onu əhatə edən meşələr, şəhərin memarlıq abidələri və təbiət möcüzələri müxtəlif ölkələrdən minlərlə turisti bura cəlb edir. Hevizin əsas görməli yeri eyni adlı termal göldür. O, dünyanın ən böyük bioloji aktiv təbii müalicəvi gölüdür. Hətta qışda belə göldə temperatur 24 dərəcədən aşağı düşmür, bu da il boyu su prosedurlarına şərait yaradır. Kurort müalicəsinin əksər hallarında olduğu kimi, sabit effekt əldə etmək üçün Heviz gölündə ən azı iki həftə olmaq lazımdır. Amma bu gözəl şəhəri və onun qonaqpərvər sakinlərini sevmək üçün bizə iki gün də kifayət etdi.

Yol qayğıları: uçuş, transfer və mehmanxana

Bu ilin əvvəlində “Wizz Air” aviaşirkəti Azərbaycana uçuşları bərpa edəndən bəri, digər turistlər kimi, bizə də Avropaya səyahət üçün geniş imkanlar açılıb. Hava nəqliyyatı sahəsində aparıcı nəşr olan “Air Transport World” jurnalı tərəfindən 2016-cı ildə “Wizz Air”in “İlin büdcə aviaşirkəti” elan edilməsi təsadüfi deyil. Bakıdan Budapeştə təyyarə biletinin qiyməti cəmi 49,99 avrodur, uçuşlar həftədə iki dəfə - çərşənbə günü gecəsindən cümə axşamı gününə, bazar günündən bazar ertəsinə həyata keçirilir və 3,5 saat davam edir. Bundan sonrası sizlikdir, özünüz qərar verin: Budapeştdə qalmaq, Macarıstanın digər regionlarını görmək və ya “Wizz Air”in təklif etdiyi 420 marşrutdan biri ilə uçuşu davam etdirmək.

Ötən dəfə Budapeştdən tranzit keçidlə Frankfurtdan Bakıya qayıdarkən, bu gözəl şəhərdə qalmaq imkanından tam yararlandıq (ətraflı “Budapeştdə iki gün” reportajında http://azertag.az/xeber/987855 ). Bu dəfə Macarıstanla tanışlığı davam etdirmək qərarına gəldik, qonşu Avstriya və Lixtenşteynə planlaşdırılan səfərdən əvvəl Hevizə yollandıq.

Budapeştdən kurort şəhəri Hevizə məsafə 192 kilometrdir, yaxud avtomobillə təxminən 2,5 saatlıq yoldur. Hələ səfərdən əvvəl Budapeşt hava limanından Hevizə transfer imkanını öyrəndik. “BusExpress” nəqliyyat şirkətinin təklifi bizə daha məqsədəuyğun göründü. Şirkət neçə illərdir sərnişindaşıma ilə məşğul olur, insanları aeroport, otel və vağzallardan Budapeşt, Qrats və Vyanaya, habelə Heviz şəhəri, Balaton gölü və ətraf yerlərə çatdırır. Şirkətin saytında transfer sifarişi verdik, təyinat nöqtəsini, reysin nömrəsini, təyyarəmizin gəliş vaxtını və digər məlumatları qeyd etdik, bundan sonra təsdiq cavabı aldıq. Təklif olunan qrup, fərdi və VİP transfer növlərindən iki nəfərə 119 avro qiymətində fərd növünü seçdik. Söz düşmüşkən, qrup halında transfer iki nəfərə 89 avroya, VIP isə 160 avroya başa gəlirdi. Bütün hallarda transfer “qapıdan-qapıya” həyata keçirilir.

Təyin edilən vaxtda Budapeşt hava limanında bizi “BusExpress”in uniformalı sürücü qarşıladı, əlində adlarımız yazılmış lövhə vardı. Budapeştdən Hevizə sürətli şose salınıb və yola sərf edilən vaxt hiss olunmadan keçdi. Otelin qapısında sürücü ilə vidalaşıb otağımıza yollandıq. Göldən cəmi beş dəqiqəlik yolda, mənzərəli məkanda yerləşən dördulduzlu “Danubius Health Spa Resort Aqua” oteli bizdə xoş təəssürat yaratdı. Hər şeyi xoşumuza gəldi: geniş, yaxşı döşənmiş otaq, zəngin nahar yeməkləri, bir neçə açıq və qapalı hovuzu, o cümlədən Heviz ənənəvi müalicəvi-sağlamlaşdırıcı prosedurlarını yoxlamaq imkanı olan termal hovuz.

Aydınlaşdırmaq istədiyimiz əsas məsələ bu idi: insanları Hevizə - isti termal sulu təbii gölə çəkib gətirən nədir? Biz gölü mümkün qədər tez görmək istəyirdik. Az sonra Heviz informasiya-turizm mərkəzindən olan bələdçimiz Aleksandr Naqi ilə birlikdə artıq göl ərazisinin əsas girişində dayanmışdıq.

Həyatın axarı, suzanbağı və müalicəvi təsir

Gölə gedən yolda bələdçimiz bizə xeyli maraqlı məlumat verdi: 4,4 hektar ərazisi olan gölün mənbələri 38 metr dərinlikdə yerləşən yüksək mineral tərkibli hidrokarbonat sulardır. Səthə saniyədə 410 litr su çıxır. Bunun sayəsində göldə su 72 saat müddətində tamamilə təzələnir. Göldə temperatur 7 mənbənin suyunun qarışmasından formalaşır. Bu mənbələrdən ikisi isti, beşi soyuq suludur və havadan asılı olaraq temperaturları 24-dən 38 dərəcəyədək dəyişir. Odur ki, göldə bütün il boyu çimmək olar. Gölün suyu adamı sakitləşdirir və təravətləndirir, onun rəvan və davamlı axını bədəni yüngül masaj edərək orqanizmə faydalı təsir göstərir.

Heviz gölü ərazisinə girişin qiyməti 2 saat üçün 6 avrodur. Bütün gün üçün bir bilet isə 15 avroya başa gəlir. Paltarımızı dəyişərək girişdə verilən xilasedici halqanı özümüzlə götürüb hovuza gedirik. Qarşımızda heyrətamiz mənzərə açılır: yüzlərlə turistlə dolu, günəş şüaları altında bərq vuran göl suları. Heç kim üzmür, adamlar xilasedici halqalara dayaqlanaraq isti suda xumarlanırlar. Suya girib burada nə olduğunu hiss edirik. Demə, gölün dibində daim qaynayan bulaqlar yetərincə hiss olunan axın yaradır, bunun sayəsində insanlar göl səthində axınla yavaş-yavaş üzürlər. Beləliklə, suyun axarına müqavimət göstərmədikdə, o, sizi tədricən əks sahilə aparıb çıxaracaq.

İstirahət edənlərin çoxluğuna baxmayaraq, Heviz canlı aləmi olan göldür. Xüsusi mikroiqlimi, eləcə də suyun spesifik kimyəvi tərkibi və temperaturu sayəsində onun dünyada nadir rast gəlinən canlı aləmi var. Gözə ilk dəyən çəhrayı, ağ, bənövşəyi suzanbağıdır. Onları dərmək qadağandır. Lakin ətriyyatda tez-tez istifadə olunan bu çiçəklərin bənzərsiz ətrini duymaq üçün onların lap yanına üzmək olar. Bitkilərlə yanaşı, göldə kiçik balıqlar da yaşayır. Onlar göldə çimənlərə qətiyyən mane olmur. İlin soyuq vaxtlarında isə donmayan gölə ördək və qu quşları uçub gəlir.

Heviz gölünün dərinliyi bəzi yerlərdə 38,5 metrə çatır. Lakin göl ərazisinin üçdə iki hissəsində dərinlik metryarımdan iki metrə qədərdir. Sahilin yaxınlığında ayaqları gölün dibindəki torflu palçığa qoyaraq dik dayanmaq olar.

Göl onu xarici təsirlərdən - külək, toz və səs-küydən qoruyan və ətrafında unikal mikroiqlim yaradan gözəl meşə ilə əhatə olunub. Qışda, erkən yazda, habelə soyuq payız günlərində səhərlər gölün səthi suyu soyumağa qoymayan xəfif buxar qatı ilə örtülür.

Burada çimməyin müalicəvi əhəmiyyətinə gəlincə, termal suyun xüsusi tərkibi və yataqdakı torf palçıq təbəqəsi sayəsində Hevizdə proseduralar həm şəfa tapmaq, həm də xəstəliklərin geniş dairəsinin profilaktikası üçün eyni dərəcədə faydalıdır. Heviz kurortu əsasən revmatizm, osteoporoz, oynaq və bel sütununun degenerativ xəstəliklərinin, Bexterev xəstəliyinin, oynaqların xroniki iltihabı və digər xəstəliklərin müalicəsi üçün məsləhət görülür. Müalicə əhval-ruhiyyəni ani surətdə yaxşılaşdırmaqla yanaşı, həm də ağrıları uzun müddətə sakitləşdirir. Həkim tövsiyəsi olmadan suda 30 dəqiqədən çox qalmaq olmaz. Müalicəvi çimməkdən başqa, xroniki qastrit və mədə turşuluğu çatışmazlığı olmadıqda sudan içmək də tövsiyə edilir. Tərkibində kükürd olan mineral bulaqlara həm göl klinikasının ərazisində, həm də şəhərin mərkəzində, kitabxananın girişində rast gəlinir.

Heviz isti gölündə istirahət etməkdən doyaraq su prosedurlarını tamamlayır və şəhəri seyr etməyə yollanırıq.

Roma keçmişi və sualtı ekstenziya

Heviz qədim tarixə malik şəhərdir. İnsanlar burada hələ Roma imperiyası dövründə yaşayıblar. Buna hər addımda sübut tapmaq olar. Məsələn, şəhərdə Roma əsgərinin məzarı qalmaqdadır. Məzar 1925-ci ildə aparılan qazıntı işləri zamanı bütöv halda aşkarlanıb. Tağlı qübbəsi olan dəfn yeri Roma imperatoru II Konstantinin dövrünə aiddir.

Elə burada, yaxınlıqda Qədim Roma arxeoloji parkı yerləşir. Təxminən min kvadratmetrlik sahədə Roma imperiyasının regiondakı ən mühüm yaşayış məntəqələrinin birinin xarabalıqlarını görmək olar. Qazıntılar zamanı arxeoloqlar, həmçinin tirlərdən tikilmiş evlərin və Daş dövrünə aid tikililərin qalıqlarını tapıblar. Onlar müəyyən ediblər ki, tikililər I və V əsrlərdə dəfələrlə yenidən qurulub. İlk Daş dövrü mərhələsində soyuq, isti və qaynar sulu hovuzlarla təchiz edilmiş hamam bərpa edilib.

Arxeoloji parkın yanında Eqred Muzeyi yerləşir. Onun kolleksiyası ilə tanışlıqdan zövq aldıq. Burada müasir vasitələrlə ta qədim zamanlardan orta əsrlərədək şəhərin tarixi təqdim edilir. “Hevizin minilliyi” adlanan daimi ekspozisiyada bərpa edilmiş mozaikalar, məişət və bəzək əşyaları, əmək alətləri və müxtəlif dövrlərə aid digər atributları görmək olar. Sərgi ilə tanışlıqdan sonra muzeyin qarşısında, gözəl parkdakı köşklərdə istirahət etmək insana xoş təsir bağışlayır.

Kurort şəhəri və gölün mənşəyi haqqında çoxlu əfsanələr var. Ən məşhur rəvayət Roma imperatoru Flavi ilə bağlıdır. Deyilənə görə, uşaq vaxtı iflicdən əziyyət çəkən Flavini bu gölün suları sağaldıb. Eqred Muzeyi yaxınlığındakı parkda qoyulmuş heykəltəraşlıq kompozisiyası həmin rəvayəti əks etdirir.

Şəhərin hazırkı adı ilk dəfə 1328-ci ilə aid fərmanda xatırlanır, kurort şəhəri kimi isə XVIII əsrdə qraf Dyerd Feştetiçin sayəsində tanınıb. 1795-ci ildə qraf gölün sahilində ilk taxta binalar tikdirib. Onlardan soyunub-geyinmə otaqları kimi istifadə olunub. Gölün ekoloji sisteminin mühüm hissəsi onu əhatə edən meşə zolağıdır. Meşənin yeri XIX əsrə qədər qamışlıq və bataqlıq sahildən ibarət idi. Feştetiç ailəsi burada qızılağac, albalı və digər ağac növləri əkib. Ancaq bu gün buradakı ağacların ən nadir növü bataqlıq sərvidir. Digər iynəyarpaqlılardan fərqli olaraq, bu sərv ağacları payız fəslində şəhərə gedən avtomobil yolunu narıncı-bürünc rənginə boyayır.

İki min illik tarixinə baxmayaraq, Heviz rəsmi şəhər statusunu yalnız 1992-ci ildə alıb. Bu hadisə ilə əlaqədar bələdiyyə meydanında sağ əlində Hevizə şəhər statusu verilməsi barədə fərmanı tutan qadın heykəli ucaldılıb. Əslində, Hevizdə gəzinti zamanı tez-tez bu və ya digər mühüm hadisələrə və ya şəhərin tarixində mühüm rol oynamış şəxsiyyətlərə həsr olunan heykəllərlə qarşılaşırsan.

Kiçik meydanda doktor Karoy Mollun bürünc heykəlini görmək olar. Bu, dünya şöhrətli hevizli həkim ilk dəfə Hevizin rəmzi olan sualtı ekstenziya prosedurunu tətbiq edib. Bu prosedur fəqərəarası disklərin degenerativ xəstəliklərinin müalicəsinə yönəlib. Xəstə həkim nəzarəti altında hovuzda çənə-boyun, yaxud qoltuq hissəsindən asılır, bu zaman kəmərlə bel və ya baldırlara 2-20 kiloqram çəkisi olan əşya bağlanılır. Prosedurun məqsədi su “sığortası” ilə fəqərə dirəyini bor növ dartmaq, onu yumşaltmaq, fəqərəarası diskləri yerinə qaytarmaq və bel sütunu strukturunu bərpa etməkdir. Hazırda bu prosedur Hevizin bir çox otellərində tətbiq olunur.

Hevizdə olarkən mütləq fermer bazarına baş çəkin. Burada ekoloji cəhətdən təmiz ərzaq məhsulları, saxsı qablar, məişət əşyaları və suvenirlər almaq olar.

Heviz gəzintisini “Eqred qrinsiqi” kimi tanınan “şərab təpəsi”ndə tamamlamağı qərara aldıq. Biz buraya Dombfeldi küçəsindən başlayan yoxuşla gəlib çıxdıq. Yolun hər iki tərəfində üzüm plantasiyaları uzanır və ətraf təpələrə heyrətamiz mənzərə açılır. Çoxsaylı restoranlar isə ənənəvi Macarıstan mətbəxi yeməklərini dadmağa dəvət edir. Biz isə otelimizin yaxınlığında yerləşən “Madyar Çarda” restoranına yollandıq. Bu restoran rəssamlar, aktyorlar və musiqiçilərin toplaşdığı məkan kimi tanınır. Axşamlar qonaqlar qaraçı ansamblı və xalq musiqisi ilə əylənirlər. Salat və qarnirli çay balığından dadaraq otelə qayıtdıq.

Səhər Macarıstanın digər məşhur kurortuna - Balaton gölünə getməli idik. Amma bu başqa bir hekayətdir...

Emil Eyyubov

Məxsusi olaraq AZƏRTAC üçün

Foto: Vitali Nəzərəliyev

Xəbəri sosial şəbəkələrdə paylaşın

Bizi sosial şəbəkələrdə izləyin

Qazaxın kəndlərində təsərrüfat sahiblərinin və fermerlərin müraciətləri dinlənilib

MDB ölkələri terror təhlükələrinə qarşı birgə mübarizə sahəsində əhəmiyyətli təcrübə toplayıblar

Alim: Süni intellekt tarixçini əvəz etməyəcək, amma keçmişin öyrənilməsinə yanaşmanı dəyişəcək

Azərbaycan və ABŞ arasında aqrar sahədə əməkdaşlığın genişləndirilməsi müzakirə edilib

Mobil telefon uşaq üçün bir növ “təsəlli örtüyü”nə çevrilib - Neyropsixiatr Teo Kompernollenin ŞƏRHİ

Qazaxda V İdman Festivalına start verilib

Göyçayda aqrar təsərrüfatlara növbəti baxış keçirilib

Özbək xoreoqraf: Azərbaycan rəqsi ilə ən yaxın oxşarlıqlar Fərqanə məktəbində müşahidə olunur

2027-ci ilin dövlət büdcəsi layihəsi Milli Məclisdə birinci oxunuşda qəbul edilib - YENİLƏNİB VİDEO

2027-ci ilin dövlət büdcəsi layihəsi Milli Məclisdə birinci oxunuşda qəbul edilib - YENİLƏNİB VİDEO

“Nvidia”nın maliyyə hesabatından sonra bazar dəyərində 335 milyard dollarlıq dəyişiklik gözlənilir

Muxtar Babayev: Azərbaycan üçün su təhlükəsizliyi strateji milli prioritetdir

Kemerovo vilayətində An-12 təyyarəsi qəzaya uğrayıb

Ankara Dövlət Konservatoriyasında “Nizami” simfoniyası təqdim ediləcək

COP31: Azərbaycan pavilyonunda “Xəzər dənizi üzrə yüksəksəviyyəli tədbir” keçirilib

Yoxlama oyunu: Azərbaycan millisi Omana ikinci dəfə qalib gəlib

Milli Dirçəliş Günü münasibətilə Azərbaycan Ordusunda silsilə tədbirlər keçirilib

Futbol formasından əlfəcinədək... “Zumerlər” nəyi kolleksiya etməyi sevirlər? –  SORĞU

COP31-də ziyarətçilər 1926-cı və 2100-cü illərin iqlim şəraitini təcrübədən keçirirlər

Türk ekspert: 17 noyabr xalqın öz müqəddəratına sahib çıxmaq iradəsinin tarixə yazıldığı gündür

“Mançester Yunayted” almaniyalı futbolçunu transfer etmək istəyir

Asan yol, yoxsa sağlamlıq riski? VİDEO

Asan yol, yoxsa sağlamlıq riski? VİDEO

COP31 çərçivəsində “Antalya Okeanlar və Dənizlər Razılaşması” əldə olunub

Azərbaycanın yaşıl enerji potensialı Avropa ilə əməkdaşlığın genişləndirilməsi üçün yeni imkanlar yaradır - ŞƏRH

“Sıfır Atık’” Fondunun sədri: Azərbaycan və Türkiyə COP31-də ortaq ekoloji təşəbbüslərlə çıxış edir

İşəgötürənlərin gender bərabərliyinin təmin olunmasında rolu müzakirə edilib

Nyu-Yorkda Azərbaycanın Zəfər Gününə həsr olunan şahmat turniri

Britaniya İordan çayının qərb sahilində tikinti işlərində iştirak edən İsrail şirkətlərinə sanksiya tətbiq edib

Bakıdakı şadlıq saraylarında monitorinq: 47 obyektdən 41-də nöqsanlar aşkarlanıb

Bakı İqlim Fəaliyyəti Həftəsi qlobal İqlim Həftələri əməkdaşlığına qoşulub

Azərbaycan Aİ-nin Brüsseldə keçirilən nazirlər toplantısında təmsil olunub

Almaniyanın xarici işlər naziri Bakıda Şəhidlər xiyabanını ziyarət edib

Azərbaycanda inklüziv təhsilə dəstək məqsədli layihə uğurla tamamlanıb

Birgə Bəyannamə Azərbaycan-Böyük Britaniya münasibətlərində yeni mərhələnin əsasını qoyur ŞƏRH

Şərq intibah poeziyasının Xaqanı - elmi-praktik konfrans

Qubada Şimal-şərqi Azərbaycanda erkən şəhər mədəniyyəti mövzusu müzakirə olunacaq

Azərbaycanlı və almaniyalı tədqiqatçılar plastik çirklənmənin həlli yollarını araşdırıblar

“Azərpoçt”un adından istifadə edilməklə yeni fişinq kampaniyası həyata keçirilir - XƏBƏRDARLIQ

® “Bakcell” gənclər üçün növbəti süni intellekt hakatonunu keçirib

Rusiyanın “Timeweb” hostinq provayderində genişmiqyaslı nasazlıq baş verib

Azərbaycan Ordusunun Baş Qərargah rəisi gürcüstanlı həmkarı ilə görüşüb

Siyasi şərhçi: Azərbaycanın enerji və nəqliyyat sahəsindəki mövqeyi Avropa üçün strateji əhəmiyyət daşıyır

Narkotik asılılığı ilə mübarizədə ailənin rolu: İsmayıllıda valideynlərlə görüş təşkil olunub

Ukrayna Müdafiə Qüvvələri “Qazprom”un neft emalı zavodunu vurub

Bu il 310 mindən çox mülkiyyət hüququnun dövlət qeydiyyatı aparılıb

Mərkəzi Bankın nümayəndələri İsveçrə Milli Bankındakı effektiv iş mexanizmlərini nəzərdən keçiriblər

Zelenski: Krım körpüsü əməliyyatın yeddinci mərhələsində vurulub

İraq Türkiyəyə köhnə boru kəməri ilə neft nəqlini bərpa edib

Prezident İlham Əliyev Gürcüstanın Baş nazirinin müavinini qəbul edib VİDEO

Prezident İlham Əliyev Almaniyanın xarici işlər nazirinin başçılıq etdiyi nümayəndə heyətini qəbul edib VİDEO

Dövlət rüsumlarının tətbiqi ilə bağlı qanunvericilikdə islahat: On doqquz sənədə dəyişiklik edilir

Beyin mərkəzləri Orta Dəhliz və Lapis Lazuli marşrutunun uzlaşdırılmasını müzakirə ediblər

“Azərpoçt” ötən il 90 milyondan çox maliyyə əməliyyatı həyata keçirib

"Startap” şəhadətnaməsi almış KOB subyektlərinin sayı 300-ü ötüb

® Vüqar Eyvazov “AmCham Azərbaycan”ın yeni yaradılmış Səhiyyə Komitəsinin sədri təyin edilib

Rusiya yanacaq təminatının sabitliyi üçün neft emalı zavodlarında təmiri sürətləndirir

“Azərpoçt”un fəaliyyətində süni intellekt və avtomatlaşdırmanın tətbiqi imkanları genişlənir

Poçt şəbəkələri Azərbaycan sahibkarlarının xarici bazarlara çıxışını asanlaşdıra bilər

Alimlər xroniki iltihabın yaranma mexanizmini araşdırmaq üçün yeni alət hazırlayıblar

“İxrac rəsmiləşdirilmə xərclərinə görə kompensasiya dəstəyinin şamil olunacağı qeyri-neft-qaz mallarının və onların ixrac edildiyi ölkələrin (ölkə qruplarının) Siyahısı”nın, “Bir ixrac gömrük bəyannaməsi üzrə ixrac rəsmiləşdirilmə xərclərinə görə kompensasiya dəstəyi məbləğinin Yuxarı Həddi”nin və “İxrac rəsmiləşdirilmə xərclərinə görə kompensasiya dəstəyinin ödənilməsi ilə bağlı müraciət edilməsi və həmin müraciətlərə baxılması Qaydası”nın təsdiq edilməsi haqqında
Azərbaycan Respublikası İqtisadiyyat Nazirliyinin Kollegiyasının QƏRARI

UNEC süni intellekt üzrə regional mərkəzə çevrilməyi hədəfləyir

“İxrac daşıma dəstəyinin şamil olunacağı qeyri-neft-qaz mallarının və onların ixrac olunduğu ölkələrin (ölkə qruplarının) Siyahısı”nın, “İxrac və daxili daşıma dəstəyi məbləğlərinin ödənilməsi ilə bağlı müraciət edilməsi və həmin müraciətlərə baxılması Qaydası”nın və “Müxtəlif nəqliyyat növləri ilə (multimodal) daşımalar zamanı ixrac daşıma dəstəyi məbləğinin hesablanması Qaydası”nın təsdiq edilməsi haqqında
Azərbaycan Respublikası İqtisadiyyat Nazirliyinin Kollegiyasının QƏRARI

AQTA əməkdaşları üçün ətraf mühit və insan hüquqları ilə bağlı təlim təşkil olunub

Aqrar Sığorta Fondu mütəxəssisləri əməkdaşlığa dəvət edir – Bölgələrdə təlimlər başlayır

Əfqanıstan rəsmisi: Azərbaycanla əlaqələrin möhkəmləndirilməsi regional əməkdaşlıq üçün yeni imkanlar yaradır

Tanınmış Formula 1 pilotu yenidən “Dakar” rallisində mübarizə aparacaq

Litva Hərbi Akademiyasının nümayəndə heyəti Azərbaycana səfər edib

“QS Dayanıqlılıq Reytinqi 2027”: UNEC liderdir

Tarixçi-alim: Azadlıq meydanında yüksələn üçrəngli bayraq milli dirçəlişimizin rəmzinə çevrilib

Əmək qanunvericiliyi müasir əmək bazarının reallıqlarına uyğunlaşdırılır

Anar Məcidov: Beynəlxalq poçt əməkdaşlığının dəyəri vətəndaş və biznes üçün yaratdığı real fayda ilə ölçülür – MÜSAHİBƏ

QUAD ölkələri liderlərinin Manilada görüşü keçirilir

Xalqın dirçəlişi onun öz gücünə inanması ilə başlayır - ŞƏRH

Azərbaycan məktəbliləri piko-peyk hazırlayacaqlar

“İpək Yolu Sığorta”nın lisenziyasının qüvvəsi məhdudlaşdırılıb

Azərbaycanın müdafiə naziri Gürcüstanın nümayəndə heyəti ilə görüşüb

Deputat: Milli Dirçəliş Günü xalqımızın azadlıq iradəsinin təcəssümüdür ŞƏRH

“Reuters”: Kennedi ABŞ-də qızılcanın nəzarətsiz yayılmasına yol verib

Gələn il üçün yaşayış minimumu ölkə üzrə 314 manat olacaq  VİDEO

Gələn il üçün yaşayış minimumu ölkə üzrə 314 manat olacaq  VİDEO

Parlament “İşsizlikdən sığorta fondunun 2027-ci il büdcəsi haqqında” qanun layihəsini birinci oxunuşda təsdiqləyib VİDEO

Parlament “İşsizlikdən sığorta fondunun 2027-ci il büdcəsi haqqında” qanun layihəsini birinci oxunuşda təsdiqləyib VİDEO

Mixail Malkin: Komanda hesabında ardıcıl üçüncü dəfə dünya çempionu olmaq böyük qürurdur

DSMF-nin 2027-ci il üzrə gəlirləri 9,2 milyard manatı ötəcək - büdcə layihəsi birinci oxunuşda təsdiqlənib

Bərpaçı: Tarixi eksponata hər müdaxilə onun taleyinə təsir edir

İKTA: İstehlakçılara göstərilən internet xidmətlərinin keyfiyyətinə daha sistemli nəzarət üçün əlavə imkanlar formalaşacaq

DSMF respublika üzrə birdəfəlik müavinətlərin ödənişini başa çatdırıb

Azərbaycan millisi seçmə mərhələni bir xalla başa vurub

Kiberhücumçular qlobal veb-saytlara zərərli kod yeridiblər

567 nömrəli marşrutun avtobusları yenilənir

Azərbaycan-Böyük Britaniya strateji tərəfdaşlığı yeni investisiya imkanları yaradır - ŞƏRH

Efiopiya və Sudan arasında qarşılıqlı ittihamlar gərginliyi artırır

Daşkənddə dinlərarası tolerantlıq və ekstremizmə qarşı mübarizə məsələləri müzakirə olunub

“Azərbaycan Respublikasının Mərkəzi Bankı haqqında” Azərbaycan Respublikasının Qanununda dəyişiklik edilməsi barədə
Azərbaycan Respublikasının Qanunu

“Azərbaycan Respublikasının Əmək Məcəlləsində və “Aviasiya haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının 2026-cı il 27 oktyabr tarixli 499-VIIQD nömrəli Qanununun tətbiqi və “Aviasiya haqqında” Azərbaycan Respublikasının 2023-cü il 22 dekabr tarixli 1058-VIQ nömrəli Qanununun tətbiqi barədə” Azərbaycan Respublikası Prezidentinin 2024-cü il 15 fevral tarixli 1 nömrəli Fərmanında dəyişiklik edilməsi haqqında
Azərbaycan Respublikası Prezidentinin Fərmanı

COP-31 çərçivəsində D-8 ölkələrinin ətraf mühit üzrə yüksəksəviyyəli iclası keçirilib VİDEO

COP-31 çərçivəsində D-8 ölkələrinin ətraf mühit üzrə yüksəksəviyyəli iclası keçirilib VİDEO

Azərbaycan Respublikasının Əmək Məcəlləsində və “Aviasiya haqqında” Azərbaycan Respublikasının Qanununda dəyişiklik edilməsi barədə
Azərbaycan Respublikasının Qanunu

İmtahanlarda buraxılış rejimini aparacaq qadın əməkdaşların seçimi üçün müsahibələr başlanır

Aİ Komissiyası inflyasiya və yüksək enerji qiymətləri fonunda iqtisadi artım proqnozunu artırıb

“Azərbaycan Respublikası ilə Özbəkistan Respublikası arasında əbədi dostluq haqqında Müqavilə”nin təsdiq edilməsi barədə
Azərbaycan Respublikasının Qanunu

“Azərbaycan Respublikası Hökuməti ilə Özbəkistan Respublikası Hökuməti arasında pensiya təminatı sahəsində əməkdaşlıq haqqında Saziş”in təsdiq edilməsi barədə
Azərbaycan Respublikasının Qanunu

Anar Əliyev: Dövlət və icmal büdcə layihələri gələn il də öz sosialyönümlülüyünü saxlayacaq VİDEO

Anar Əliyev: Dövlət və icmal büdcə layihələri gələn il də öz sosialyönümlülüyünü saxlayacaq VİDEO

BMT: Cari ildə Sudanda mülki şəxslərin ölüm hallarının 75 faizinə PUA hücumları səbəb olub