REGİONLAR
İmişlidə pambıq yığımına hazırlıqla bağlı müşavirə keçirilib
İmişli, 26 avqust, Mahir Babayev, AZƏRTAC
Avqustun 26-da İmişlidəki Heydər Əliyev Mərkəzində pambıq yığımı mövsümünün başlanması ilə əlaqədar regional müşavirə keçirilib.
AZƏRTAC xəbər verir ki, müşavirədə Salyan, Bərdə, Ucar, Biləsuvar rayonlarından və Gəncə şəhərindən gəlmiş sahibkarlar iştirak edib.
Tədbirdə çıxış edən İmişli Rayon İcra Hakimiyyətinin başçısı Vilyam Hacıyev pambıq yığımına hazırlıqla bağlı rayonda görülən işlər barədə məlumat verib.
Müşavirədə Azərbaycan Respublikası Sahibkarlar (İşəgötürənlər) Təşkilatları Milli Konfederasiyasının prezidenti, “Aqrar-Kredit” Səhmdar Kredit Təşkilatı idarə heyətinin sədri Məmməd Musayev mövzu ətrafında məruzə ilə çıxış edib.
Sonda fikir mübadiləsi aparılıb, müəyyən təkliflər irəli sürülüb.