London astroloqları qarşıdakı həftədə QOÇLARA öz odlu-alovlu temperamentlərini azaltmağı və soyuqqanlı olmağı məsləhət görürlər. Bu bürc altında doğulanlar emosiyalara uymaqla özlərini xoşagəlməz hadisələr qarşısında qoya bilərlər. Həmkarların onları başa düşməməsi, tərəfdaşlarla mühüm danışıqların pozulması, yaxud rəqiblərin onları tora salması kimi hallarla qarşılaşa bilərlər.

Venera təsdiq edir ki, BUĞALAR planlaşdırdıqları layihələri həyata keçirmək üçün çox işləməli olacaqlar. Onlar yalnız var qüvvəni və iradəni toplamaqla qarşılarına çıxan əngəlləri aradan qaldırıb “döyüşdən qalib” çıxa bilərlər. Bu sınaqdan keçənləri mükafat – rəhbərliyin dərin hörməti və nəzərəçarpacaq maliyyə gəliri gözləyir.

Yaxın günlərdə ƏKİZLƏR özlərini lider rolunda sınaqdan çıxaracaqlar. Marsın köməyi ilə onlar kollektivi asanlıqla istənilən istiqamətə yönəldə biləcəklər. Lakin unutmaq olmaz ki, həmkarlarla razılaşdırmadan qəbul edilmiş uğursuz qərarların nəticələri artıq həftənin sonunda özünü göstərəcəkdir.

XƏRÇƏNGLƏRƏ həftənin əvvəli son dərəcə sakit, hətta darıxdırıcı görünə bilər. Onlar ən ciddi işgüzar məsələləri artıq həll etmişlər və indi sadəcə dincələ bilərlər. Lakin rahatlıqdan və qüvvənizi qoruya bilmək imkanından zövq almağa çalışın. Bu sakitlikdən sonra fırtına ola bilər.

Yupiter və Saturn sayəsində xammal bazarlarına uğurlu sərmayə qoyuluşu üçün ŞİRLƏRİN qarşısında geniş perspektivlər açılır. Yaxşı olar ki, bu bürc altında doğulanlar nəticədə əldə etdikləri dividentləri qorusunlar, çünki əvvəlki investisiyalar belə uğurlu olmaya bilər. Bundan başqa, xidmət sahəsinə diqqət yetirməyə dəyər.

QIZLAR əlverişli vaxtı gözləyib təxirə saldıqları işgüzar planları yada salmalıdırlar. Ayın vəziyyəti göstərir ki, məhz bu planlar yaxın günlərdə ən uğurlu planlar olacaqdır. İndiyədək tərəfdaşlarınıza birgə strategiyanın yeni variantlarını təklif etməkdə tərəddüd edirdinizsə, indi bunun üçün ən yaxşı məqamdır.

Qarşıdakı həftə TƏRƏZİLƏRDƏ tez-tez elə təsəvvür yaranacaqdır ki, bütün olanlar nə vaxtsa baş vermişdir. Astroloqlar sizi əmin edir ki, burada dəhşətli bir şey yoxdur. Dejavyu vəziyyəti yeganə düzgün qərarı vaxtında qəbul etməyə kömək göstərəcəkdir.

ƏQRƏBLƏR üçün qarşıdakı günlər çox coşqun keçəcəkdir. Onlarca müxtəlif işdən baş açmaq zərurəti iş qabiliyyətinizə mənfi təsir göstərəcəkdir. Amma çalışın, formanı itirməyəsiniz, özünüzdən başqa arxalana biləcəyiniz bir adam yoxdur.

OXATANLAR uzun müddətdən bəri təxirə saldıqları işləri xatırlamalıdırlar. Bu işləri indi yerinə yetirməklə siz gələcəkdə özünüzü bir çox problemlərdən azad edəcəksiniz. Tənbəllik edənlər özlərindən küssünlər. Heç kəsi günahlandırmasınlar.

Astroloqlar OĞLAQLARA işlərində uzun taym-aut götürməyi məsləhət görürlər. Bu bürc altında doğulanlara elə görünə bilər ki, hər şey düşündükləri kimidir, amma bu təəssürat aldadıcıdır. İşlərinizdə sayıqlıq göstərin və ehtiyatlı olun, rəqibləriniz yəqin ki, sizə növbəti tələni qurmağa hazırlaşırlar.

DOLÇALAR özlərinə çox güvənməsinlər, yoxsa iri maliyyə itkilərinə məruz qalarlar. Yaxşı olar ki, ekspertlərin fikrini öyrənsinlər, tərəfdaşlarla, həmkarlarla məsləhətləşsinlər və bu yolla əngəllərdən qaçsınlar.

Ulduzlar ən müxtəlif təşəbbüslərdə BALIQLARA uğur vəd edir. Yaxşı olar ki, indiyədək sizə cazibəli görünməyən biznes sahələrinə diqqət yetirin. Əvvəlcə sizə elə gələcək ki, səhv edirsiniz, lakin tezliklə uğur qazanacaqsınız.