DÜNYA
İsraildə təyyarələri müdafiə sistemi sınaqdan keçirilmişdir
Bakı, 17 yanvar (AZƏRTAC). Assoşieyted Press agentliyinin verdiyi məlumata görə, İsrailin “Elbit maaraxot” müdafiə texnologiyaları şirkəti sərnişin təyyarələrinin müdafiəsi üçün nəzərdə tutulan raketdənmüdafiə sisteminin sınaqlarının uğurla başa çatmasını bildirmişdir.
Söhbət avialaynerlərin çiyində gəzdirilə bilən raketlərdən müdafiəsi üçün nəzərdə tutulan “C-Music” sistemindən gedir. “Elbit” şirkəti bildirmişdir ki, bu sistemin “Boeing 777” təyyarələrindən müdafiə məsələlərində səmərəli olması bir neçə dəfə sübut edilmişdir.
Xatırladaq ki, 2002-ci ildə İsrailə məxsus çarter reysini yerinə yetirən təyyarə Keniyanın Mombas aeroportunda havaya qalxandan az sonra silahlı şəxslər həmin təyyarəyə Yer-hava tipli iki raket yönəltmişdilər. Raketlər hədəfə dəyməmiş, lakin bu hadisə İsraildə təyyarələrin müdafiə olunması üzrə tədqiqatları fəallaşdırmağa stimul yaratmışdır.
“Elbit” şirkəti bildirir ki, yeni sistem istənilən təyyarədə quraşdırıla bilər. Şirkət bu fikri onunla izah edir ki, həmin sistem yerdən buraxılan raketlərdən müdafiə olunmaq üçün qabaqcıl lifli lazer texnologiyalarının və teploviziya kamerasının imkanlarını özündə birləşdirir.