Bakı, 19 avqust, AZƏRTAC

Bakı Şəhər Mədəniyyət Baş İdarəsinin Sabunçu rayon Mərkəzləşdirilmiş Kitabxana Sisteminin Mərkəzi Kitabxanası “Kitabxanalarımızı tanıyaq və tanıdaq” adlı yeni layihəyə start verib.

Baş İdarədən AZƏRTAC-a bildirilib ki, layihə virtual səyahət formasında təqdim olunub. Layihənin məqsədi Sabunçu rayonunda yerləşən Mərkəzi Kitabxana və filialları oxuculara yaxından tanıtmaqdır.

Bu layihə oxucuları kitabxanaya cəlb edəcək və onlarda mütaliə mədəniyyətini formalaşdıracaq.