Kürdəmir, 29 avqust, AZƏRTAC

Əmək və Əhalinin Sosial Müdafiəsi Nazirliyi Dövlət Məşğulluq Xidmətinin Kürdəmir rayon Məşğulluq Mərkəzi və rayon icra hakimiyyətinin birgə təşkilatçılığı ilə avqustun 29-da Kürdəmirdəki “Gənclər evi”ndə əmək yarmarkası keçirilib.

AZƏRTAC xəbər verir ki, 785 nəfərdən çox işaxtaranın iştirak etdiyi əmək yarmarkasında 247 boş iş yeri təklif edilib. Təklif olunan iş yerlərinin 174-ü qulluqçu, 49-u fəhlə, 24-ü isə xidmət sahələrinə aid olub. Təklif edilən iş yerlərində orta əməkhaqqı 125 manatdan 450 manatadəkdir.

Əmək yarmarkasında 74 nəfərə, o cümlədən 27 nəfərə qeyri-dövlət müəssisələrinə işə, 2 nəfərə kvota yerlərinə göndəriş verilib. Habelə 16 nəfər peşə hazırlığına, 18 nəfər isə ictimai işlərə cəlb edilib.