Lionel Messi MLS-in tarixinə düşüb
Bakı, 10 may, AZƏRTAC
ABŞ-nin "İnter Mayami" komandasının futbolçusu Lionel Messi MLS-in tarixinə düşüb.
AZƏRTAC xəbər verir ki, argentinalı hücumçu ABŞ çempionatında 100 qol və ötürməyə ən tez çatan oyunçu olub.
Ulduz futbolçu son olaraq, "Toronto"ya qarşı matçda (4:2) bir qol vurub və iki məhsuldar ötürmə edib. Bununla da Messi MLS-də qol və assistlərinin ümumi sayını 100-ə çatdırıb. Forvard bu göstəriciyə 64 qarşılaşmada nail olub.
Qeyd edək ki, bu statistika üzrə əvvəlki rekord "Toronto"nun keçmiş futbolçusu Sebastyan Covinkoya (95 matçda 58 qol və 42 məhsuldar ötürmə) məxsus idi.
İlk “üçlük”də "Los-Anceles Qelaksi”nin sabiq hücumçusu Robbi Kin (96 matçda 62 qol vurub və 39 məhsuldar ötürmə) də yer alıb.
Bölmənin digər xəbərləri
