Manatla olan əmanətlərin həcmi artıb
Bakı, 17 mart, AZƏRTAC
Mərkəzi Bankın məlumatına görə əhalinin banklardakı əmanətlərinin məbləği əvvəlki ilin eyni dövrü ilə müqayisədə 12,1 faiz artaraq fevral ayının 1-nə milli valyuta ekvivalentində 14 milyard 698,7 milyon manat təşkil edib.
Dövlət Statistika Komitəsindən AZƏRTAC-a bildirilib ki, əmanətlərin 66,5 faizi milli, 33,5 faizi xarici valyutada qoyulub, xarici valyutada qoyulmuş əmanətlərin məbləği əvvəlki ilin eyni dövrü ilə müqayisədə 7,2 faiz, milli valyutada olan əmanətlərin məbləği isə 14,7 faiz artıb.
Fevral ayında milli valyutanın 1 dollara nisbətdə orta məzənnəsi 1,70 (ilin əvvəlindən 1,70) manata, 1 avroya 1,77 (1,77) manata, 100 türk lirəsinə 4,70 (4,75) manata, 100 rus rubluna 1,83 (1,75) manata bərabər olub.
Bölmənin digər xəbərləri
