“MÜASİR AZƏRBAYCAN ƏDƏBİ DİLİ” KİTABININ TƏQDİMATI

17.09.2003 [14:59]
Çap et
A⁺ A^-

M.F.Axundov adına Azərbaycan Dövlət Kitabxanasında Milli Elmlər Akademiyasının müxbir üzvü, Dövlət mükafatı laureatı, professor Afat Qurbanovun “Müasir Azərbaycan ədəbi dili” kitabının birinci cildinin təqdimatı keçirilmişdir. “Nurlan” nəşriyyatında çapdan çıxmış kitabın çapını Ekson-Azərbaycan Əməliyyat Şirkəti maliyyələşdirmişdir.

Kitabda Azərbaycan dili, onun tarixi, forma və üslubları, Azərbaycan ədəbi dilinin fonetik sistemi, lüğət tərkibi və onlara aid linqvistik xüsusiyyətlər geniş şərh olunur. Eyni zamanda, sözlərin düzgün tələffüzü, yazılış qaydaları (orfoepiya), orfoqrafiya məsələləri də elmi-nəzəri əsasda aydınlaşdırılır.

Mərasimdə çıxış edənlər yeni nəşri yüksək qiymətləndirmişlər.

Kitabın müəllifi professor Afat Qurbanov göstərilən diqqətə və maliyyə yardımına görə dərin minnətdarlığını bildirmişdir.