Naxçıvan, 18 yanvar, AZƏRTAC

1924-cü il yanvarın 18-də Naxçıvan Mərkəzi İcraiyyə Komitəsinin birinci plenumunun Qərarı ilə Naxçıvan Daxili İşlər Şöbəsinin nəzdində Naxçıvan Daxili İşlər Komissarlığı yaradılıb və bununla da muxtar respublikada polis orqanlarının formalaşmasının əsası qoyulub.

Naxçıvan polisi torpaqlarımızın bütövlüyü uğrunda gedən döyüşlərdə igidlik,

şücaət və əsl qəhrəmanlıq nümunəsi yaradıb

Azərbaycan polisinin, o cümlədən Naxçıvan polisinin əsl inkişafı, milliləşməsi isə ulu öndər Heydər Əliyevin adı ilə bağlıdır. Ümummilli Liderin 1969-cu ildə Azərbaycana rəhbər seçilməsindən sonra daxili işlər orqanlarına dövlət qayğısı güclənib, əməkdaşların vətənpərvərlik, milli-mənəvi dəyərlər əsasında təlim-tərbiyəsinə, peşəkarlığının yüksəldilməsinə, milli kadrların yetişməsinə xüsusi önəm verilib. Sovetlər Birliyinin süqutundan sonra da polis orqanlarına ən böyük kömək və qayğı 1991-ci ildə Naxçıvan Muxtar Respublikası Ali Məclisinin Sədri vəzifəsində işləyən ulu öndər Heydər Əliyev tərəfindən göstərilib. Belə ki, onun təşəbbüsü ilə Naxçıvan Muxtar Respublikasında Müdafiə Komitəsi yaradılıb və polis Müdafiə Komitəsi ilə birgə torpaqlarımızın qorunmasında fəal iştirak edib.

Naxçıvan Muxtar Respublikası Daxili İşlər Nazirliyinin mətbuat xidmətinin məlumatında qeyd olunur ki, torpaqlarımızın bütövlüyü uğrunda gedən döyüşlərdə igidlik, şücaət və əsl qəhrəmanlıq göstərən 16 polis əməkdaşı şəhid olub, 76 polis işçisi yaralanıb. Dövlət müstəqilliyi bərpa edildikdən sonra ölkədə yaranmış mürəkkəb vəziyyət muxtar respublikadan da yan keçməyib. Müstəqilliyin əldə edildiyi ilk illərdə hakimiyyət uğrunda gedən daxili çəkişmələr, torpaqlarımıza Ermənistanın hərbi təcavüzü, dövlət strukturlarına təyin edilmiş təsadüfi və səriştəsiz rəhbərlərin yarıtmaz işi muxtar respublikada da ictimai sabitliyin tez-tez pozulmasına, kriminogen durumun əməliyyat nəzarətindən çıxmasına səbəb olub. Ancaq ulu öndər Heydər Əliyevin rəhbərliyi ilə Naxçıvan bir çox təhlükələrdən qorunub.

Daxili işlər orqanlarında xidmət ən müasir tələblər səviyyəsində qurulub

Azərbaycan polisi bu gün Prezidentimiz, Silahlı Qüvvələrin Ali Baş Komandanı İlham Əliyevin rəhbərliyi altında məsuliyyətli və şərəfli vəzifələrin öhdəsindən layiqincə gəlir, göstərilən diqqət və qayğını, etimadı vicdanlı xidmətləri ilə doğruldurlar.

Bu gün Naxçıvan Muxtar Respublikasının daxili işlər orqanlarında xidmət ən müasir tələblər səviyyəsində qurulub. Nахçıvаn Muхtаr Rеspublikаsı Аli Məclisinin Sədri Vasif Talıbov tərəfindən daxili işlər orqanlarına göstərilən diqqət və qayğı nəticəsində muxtar respublikada cinаyətlərin qаrşısının аlınmаsı və аçılmаsı, ictimаi аsаyişin təmini sаhəsində həyata keçirilən tədbirlərin keyfiyyəti daha da yaxşılaşdırılaraq kriminоgеn durum tam nəzаrətdə sахlаnılıb. Xidmət sahələri, оrqаn və hissələr yеni infоrmаsiyа tехnоlоgiyаlаrı, xüsusi rabitə və texniki vasitələrlə tam təmin оlunub.

Naxçıvan Muxtar Rеspublikası daxili işlər orqanlarının maddi-tеxniki bazası ən müasir səviyyəyə çatdırılıb, Dахili İşlər Nаzirliyi аpаrаtının inzibаti binаsı dа dахil оlmаqlа, bütün ərаzi pоlis оrqаnlаrının inzibаti binаlаrı yenidən qurulub, ən müasir хidməti аvtоmоbillər şəxsi heyətin istifadəsinə verilib. Son illər polis sahə inspektorları üçün müasir tələblərə cavab verən 152 polis sahə məntəqəsi tikilib istifadəyə verilib.

Muxtar respublikanın Daxili İşlər Nazirliyinin mətbuat xidmətinin məlumatına əsasən, xidməti avtomobillərin texniki baxışdan keçirilməsi işini asanlaşdırmaq məqsədilə Şərur, Culfa və Ordubad rayonları ərazisində Dövlət Yol Polisi İdarəsinin yeni texniki müayinə mərkəzləri tikilərək istifadəyə verilib. Bu müayinə mərkəzlərində il ərzində, təxminən, 50 min avtomobilin texniki baxışdan keçirilməsi mümkündür. Yeni infоrmаsiyа teхnоlоgiyаsının tətbiqi sаhəsində də bir sırа əsaslı tədbirlər həyata keçirilib. Naxçıvan şəhərinin inzibati ərazisini əhatə edən “Təhlükəsiz şəhər” sistemi çərçivəsində şəhərin bir çox koordinatlarında təhlükəsizlik kameraları yenilənib, Şərur, Ordubad və Culfa rayon mərkəzlərində müşahidə kameraları quraşdırılıb. Nazirliyin internet saytında vətəndaşların müraciətlərinin elektron formada qəbulu üçün “Elektron poçt” guşəsi yaradılıb, ərazi və nəqliyyatda polis orqanlarının hamısı elektron sənəd dövriyyəsinə qoşulub.

Çoxsaylı infrastruktur layihələri icra olunub, maddi-texniki baza gücləndirilib

Dövlətimizin diqqət və qayğısı ilə muxtar respublikanın daxili işlər orqanlarının keçdiyi böyük inkişaf yolunun daha bir əyani təsdiqi bu istiqamətdə çoxsaylı infrastruktur layihələrinin icra olunmasıdır. 2000-2018-ci illər ərzində Naxçıvan Muxtar Respublikası daxili işlər orqanlarının maddi-texniki bazasının müasir səviyyəyə çatdırılması üzrə əməli-təşkilati tədbirlər işlənib həyata keçirilib, xidməti avtomobillər yeni model xarici markalı avtomobillərlə əvəzlənib. Şəхsi hеyətin sоsiаl müdаfiəsinin dаhа dа yахşılаşdırılmаsı istiqаmətində tədbirlər ardıcıl olaraq həyata keçirilib və bu gün də davam etdirilməkdədir. Bu bахımdаn Dаxili Qoşunlаrın Nаxçıvаn Əlahiddə Əməliyyat Briqadasında xidmət еdən zаbit-gizir аilələrinin mənzil-məişət şəraitinin yаxşılаşdırılmаsı istiqаmətində tədbirlər görülüb, hər biri 5 mərtəbəli 60 və 45 mənzildən ibаrət 2 yаşayış binası tikilib istifadəyə verilib, mövcud 2 mərtəbəli 8 mənzildən ibаrət yаşayış binаsına 1 mərtəbə də əlаvə olunmаqlа, əsаslı təmir edilərək istifаdəyə vеrilib, hərbi qulluqçuların istifadəsində olan yaşayış binaları əsaslı təmir olunub.

Daxili işlər orqanlarının ixtisaslı kadrlarla komplektləşdirilməsi muxtar respublika rəhbərinin bu sahəyə qayğısının daha bir ifadəsidir. Belə ki, uğurlu kadr siyasətinin tərkib hissəsi olaraq Naxçıvan Muxtar Respublikası Daxili İşlər Nazirliyinin kadr potensialının təkmilləşdirilməsi və müasir dövrün tələblərinə cavab verən gənc əməkdaşların hazırlanması nəzərə alınaraq Naxçıvan Muxtar Respublikası Ali Məclisi Sədrinin 2018-ci il 5 mart tarixli Fərmanı ilə Naxçıvan Muxtar Respublikası Daxili İşlər Nazirliyinin Orta İxtisas Polis Məktəbi yaradılıb və 2019-cu ilin oktyabr ayında istifadəyə verilib. Bu təhsil müəssisəsi Daxili İşlər Nazirliyi sisteminin peşəkar kadrlarla zənginləşdirilməsi ilə yanaşı, muxtar respublikanın təhlükəsizliyinə və gənclərdə dövlətçiliyə xidmət fəlsəfəsinin formalaşmasına, vətənpərvərlik hisslərinin gücləndirilməsinə hesablanmış vacib qərar kimi mühüm tarixi əhəmiyyətə malikdir.

Muxtar respublikada daxili işlər orqanlarının fəaliyyətinin təkmilləşdirilməsi ilə bağlı aparılan uğurlu siyasət nəticəsində 2018-ci ilin oktyabr ayında nazirliyin Veteranlar Şurası yaradılıb, şəxsi heyətlə təlim-tərbiyə işlərinin təşkili, gənc əməkdaşların peşə vərdişlərinin artırılması, onlarda xidməti vəzifə borcuna sədaqət hisslərinin formalaşdırılması və digər məsələlərdə təqaüddə olan təcrübəli polis işçilərinin yaxından iştirakı təmin edilib.

Cinayətkarlığa qarşı mübarizədə yeni metod və üsullar tətbiq edilir

Son illər Daxili İşlər Nazirliyi sistemində cinayətkarlığa qarşı mübarizədə yeni metod və üsulların tətbiq edilməsi və həyata keçirilən ideoloji iş nəticəsində muxtar respublikada asayişin mühafizəsi sahəsində baş verən müsbət dəyişikliklər cinayətkarlığın statistikası ilə müqayisədə tam aydınlığı ilə əks olunur. Naxçıvan polisi öz göstəricilərinə görə Azərbaycan Respublikası daxili işlər orqanları arasında qabaqcıl yerdə dayanmaqla, cinayətkarlığa qarşı mübarizədə yaxşı nəticələr əldə edib.

Yüksək etimad ardıcıl uğurların əldə olunmasına stimul yaradır

Bu gün Naxçıvan haqqında danışılanda fəxr edə biləcəyimiz çox uğurlar vardır. Bu uğurların qazanılması, əlbəttə ki, Naxçıvan Muxtar Respublikası Ali Məclisinin Sədri Vasif Talıbovun diqqət və qayğısının nəticəsində mümkün olub. Ali Məclis Sədrinin cinayətkarlığa qarşı mübarizə sahəsində insan amilinə üstünlük verməsi, profilaktik və hüquqi maarifləndirmə tədbirlərinin daha effektli və əsaslı həyata keçirilməsi polis orqanlarının qarşısında bir proqram sənəd kimi qoyulub, yüksək etimad ardıcıl uğurların əldə olunmasına birbaşa stimul yaradaraq əsaslı dönüşə səbəb olub.

Muxtar respublikanın daxili işlər orqanlarının əməkdaşları göstərilən etimadı bundan sonra da doğrultmaq üçün bütün qüvvə və vasitələri səfərbər etməklə, muxtar respublikada ictimai asayişi və təhlükəsizliyi tam təmin edəcək, xidməti andına sadiq qalaraq polis adını şərəflə qoruyacaqlar. Naxçıvan Muxtar Respublikası Ali Məclisinin Sədri Vasif Talıbovun dediyi kimi: “Zabit olmağın şərəfi dövlətə və dövlətçiliyə sədaqətli olmaqdan, vəzifə və vətəndaşlıq borcunu vicdanla yerinə yetirməkdən ibarətdir”.

AZƏRTAC-ın Naxçıvan bürosu