İQTİSADİYYAT
Nazirlər Kabineti üç neft yatağı üzrə Azərbaycan hökumətinin təminatı və öhdəliklərini təsdiq edib
Bakı, 30 aprel, AZƏRTAC
Nazirlər Kabineti “Azərbaycan Respublikasında Muradxanlı, Cəfərli və Zərdab neft yataqlarının daxil olduğu blokun bərpası, kəşfiyyatı, işlənməsi və hasilatın pay bölgüsü haqqında” Sazişə Azərbaycan Respublikası Hökumətinin təminatı və öhdəlikləri barədə qərar verib.
AZƏRTAC xəbər verir ki, qərar Azərbaycan Respublikası Prezidentinin 2015-ci il 7 oktyabr tarixli 1439 nömrəli Sərəncamına əsasən, Azərbaycan Respublikasının Dövlət Neft Şirkəti ("SOCAR") ilə ZENİT ARAN OYL KOMPANİ LİMİTED ("ZENİT") və SOCAR-ın Ortaq Neft Şirkəti ("ONŞ") arasında 2015-ci il 16 mart tarixində imzalanmış "Azərbaycan Respublikasında Muradxanlı, Cəfərli və Zərdab neft yataqlarının daxil olduğu blokun bərpası, kəşfiyyatı, işlənməsi və hasilatın pay bölgüsü haqqında" Sazişlə əlaqədardır. Qərara əsasən, sazişin 5-ci əlavəsində qeyd olunmuş "Azərbaycan Respublikası Hökumətinin təminatı və öhdəlikləri" təsdiq edilib.