Növbəti “Qızıl top” Almaniyaya gedə bilər
Bakı, 21 oktyabr, AZƏRTAC UEFA-nın prezidenti Mişel Platini maraqlı fikirləri ilə yenidən diqqəti cəlb edib.
AZƏRTAC xəbər verir ki, M.Platini bu il “Qızıl top” mükafatını Kriştiano Ronaldo və Lionel Messinin yox, Almaniya millisinin üzvünün qazanmalı olduğunu bildirib.
M.Platini qeyd edib ki, böyük ehtimalla, bu il “Qızıl top” mükafatı dünya çempionu olan komandanın üzvünə veriləcək. Yəni, bu dəfə dünyanın ən yaxşısı almaniyalı futbolçu seçilməlidir. 2010-cu ilədək bu, hər zaman belə olub. Həmin il “Qızıl top”u dünya çempionu olmasa da, Messi qazandı. Lakin bu dəfə belə olmamalıdır. İstənilən halda Ronaldo və Messi dünyanın ən yaxşı futbolçularıdır. Buna heç kəsin şübhəsi yoxdur.
Ötən il “Qızıl top” mükafatına Portuqaliya yığmasının və “Real” (Madrid) klubunun hücumçusu Kriştiano Ronaldo layiq görülüb.
Bölmənin digər xəbərləri
