Nur şəhəri Mingəçevirə infotur
Noyabrın 8-də Mingəçevirdə yerləşən “River Side” otelinin təşkilatçılığı ilə bu şəhərə infotur təşkil edilib. KİV nümayəndələrinin də qatıldığı tədbirin əsas məqsədi bölgənin turizm potensialı ilə yaxından tanış olmaqdır.
AZƏRTAC xəbər verir ki, tədbirdə Mingəçevirdə mövcud olan turizm potensialının son illər şəhərdə bu sahənin inkişafına zəmin yaratdığı diqqətə çatdırılıb. Bildirilib ki, turizm obyektlərinin Kür çayının sahilində yerləşməsi hər il əraziyə minlərlə turist axınına səbəb olub. Eyni zamanda, turistlərə göstərilən xidmət səviyyəsinin artırılması da Mingəçevirdə turist bolluğu yaradıb. Ötən illərlə müqayisədə turist axını təxminən 20-25 faiz artıb. Qiymətlərin də sərfəli olması yerli və xarici turistlərdə bu bölgəyə maraq yaradıb.
Qeyd edilib ki, 2015-ci ildə Mingəçevirdə keçiriləcək idman yarışları ilə əlaqədar turist axını daha da artacaq.
Sonra iştirakçılar Kür çayının sahilində yerləşən turizm obyektləri ilə tanış olublar.
Tədbirin sonunda iştirakçılara sertifikatlar verilib.
Bölmənin digər xəbərləri
