Bakı, 21 avqust (AZƏRTAC). Avropa çempionatının final mərhələsinə hazırlaşan qadın voleybolçulardan ibarət Azərbaycan millisi növbəti yoxlama oyununu keçirmişdir.

AZƏRTAC xəbər verir ki, baş məşqçi Faiq Qarayevin komandası Bakıda səfərdə olan “Uraloçka” (Rusiya) kollektivi ilə qarşılaşmışdır.

Gərgin idman mübarizəsi şəraitində keçən görüş 3:1 hesabı ilə Rusiya komandasının xeyrinə başa çatmışdır.