Bakı, 21 avqust (AZƏRTAC). Avqustun 22-də Alman Dili Tədrisi Mərkəzində “Alman dili hər bir halda qalib gəlir” müsabiqəsinin qaliblərinin mükafatlandırılması mərasimi keçiriləcəkdir.

AZƏRTAC xəbər verir ki, tədbir UEFA Avropa Liqası yarışlarının pley-off mərhələsi çərçivəsində keçiriləcək “Qarabağ” (Azərbaycan) - “Ayntraxt” (Almaniya) matçına həsr olunmuşdur. Alman dili və Almaniya haqqında təşkil olunmuş müsabiqə şagirdlər arasında keçirilmişdir.

Mükafatları Almaniyanın ölkəmizdəki səfirliyinin müvəqqəti işlər müvəkkili Volfqanq Mössinger və iki futbol klubunun nümayəndələri təqdim edəcəklər.