ELM VƏ TƏHSİL
Rus dili və ədəbiyyatı fənni üzrə bazar günü məktəbinə gedənlərin nəzərinə
Bakı, 30 yanvar, AZƏRTAC
M.V.Lomonosov adına Moskva Dövlət Universitetinin (MDU) Bakı filialında rus dili və ədəbiyyatı fənni üzrə bazar günü məktəbi fevralın 15-də saat 16:00-da keçiriləcək.
AZƏRTAC MDU-nun Bakı filialının saytına istinadla xəbər verir ki, bazar günü məktəbi Hüseyn Cavid prospekti, 133 ünvanında (metronun “Elmlər Akademiyası” stansiyası yaxınlığında) təşkil olunacaq. Məşğələlər pulsuzdur. Bazar günü məktəbinə yazılmaq üçün MDU-nun Bakı filialının saytında formanı doldurmaq lazımdır. Qeydiyyat şənbə günü saat 11-də bağlanır və bazar ertəsi saat 9:30-dan açılır. Ətraflı məlumatla MDU-nun Bakı filialının saytında tanış olmaq mümkündür. Əlaqə nömrəsi: +99412 598 93 32.